អ្នកចាំទី Andre Onana របស់ក្រុម Manchester United និយាយថាគាត់ “ធ្វើឱ្យក្រុមធ្លាក់ចុះ” បន្ទាប់ពីទទួលយកការទទួលខុសត្រូវទាំងស្រុងចំពោះកំហុសរបស់គាត់ក្នុងការបរាជ័យក្រោមស្នាដៃក្រុម Bayern Munich ។
បន្ទាប់ពីការចាប់ផ្តើមដ៏ល្អនៅកីឡដ្ឋាន Allianz Arena កីឡាករ Onana មានកំហុសដោយការស៊ុតរបស់ Leroy Sane ធើ្វឱ្យម្ចាស់ផ្ទះនាំមុខបន្ទាប់ពីនាទី 28 ។
បន្ទាប់ពីផ្លាស់ប្តូរជាមួយ Harry Kane អតីតតារា Manchester City រូបនេះបានស៊ុតបាល់ចំៗទៅកាន់កីឡាករអន្តរជាតិកាមេរូន ដែលបានបរាជ័យក្នុងការសង្គ្រោះបាល់ភ្លាមៗ។
បន្ទាប់ពីគ្រាប់បាល់ទីពីររបស់ Bayern តាមរយៈ Serge Gnabry United បានឆ្លើយតបនៅតង់ទីពីរជាមួយនឹង Rasmus Hojlund ស៊ុតបញ្ចូលទីគ្រាប់ដំបូងរបស់គាត់សម្រាប់ក្លឹប។
Harry Kane បានស្ដារការនាំមុខពីរគ្រាប់ភ្លាមៗបន្ទាប់ពីនោះ ហើយខណៈពេលដែល United ស៊ុតបញ្ចូលទីចុងម៉ោង 2 គ្រាប់តាមរយៈ Casemiro នោះ Bayern នៅតែគ្រប់គ្រងការប្រកួតបើកឆាកក្នុងពូល Champions League ដោយបានយកឈ្នះ 4-3 ។
Onana និយាយទៅកាន់ប្រព័ន្ធផ្សព្វផ្សាយបន្ទាប់ពីល្ងាចដ៏លំបាកនៅប្រទេសអាឡឺម៉ង់ ហើយបានសារភាពថា United មិនអាចឈ្នះនៅក្នុងការប្រកួតបានទេដោយសារតែកំហុសរបស់គាត់។
Onana បានប្រាប់ TNT Sport ។ វាពិបាក។ យើងចាប់ផ្តើមល្អណាស់ ប៉ុន្តែបន្ទាប់ពីកំហុសរបស់ខ្ញុំ យើងបានបាត់បង់ការគ្រប់គ្រងការប្រកួត។
វាជាការខកចិត្តសម្រាប់យើង ជាពិសេសសម្រាប់ខ្ញុំព្រោះខ្ញុំជាអ្នកដែលធ្វើឲ្យក្រុមធ្លាក់ចុះ។
ក្រុមល្អ យើងមិនឈ្នះការប្រកួតនេះដោយសារតែខ្ញុំ។ យើងត្រូវតែឆ្ពោះទៅមុខ។
Onana ដែលបានមកដល់ Old Trafford នៅរដូវក្តៅនេះក្នុងកិច្ចព្រមព្រៀង 47 លានផោនពី Inter Milan ជាអ្នកជំនួសតំណែងរយៈពេលវែងសម្រាប់ David de Gea បាននិយាយថាវាគឺជា ការប្រកួតដ៏អាក្រក់បំផុត របស់គាត់ចាប់តាំងពីចូលរួមជាមួយក្លឹប។
គាត់បាននិយាយថា៖ ខ្ញុំមានរឿងជាច្រើនដើម្បីបញ្ជាក់។ ការចាប់ផ្តើមរបស់ខ្ញុំនៅ Manchester មិនល្អទេ មិនមែនជារបៀបដែលខ្ញុំចង់បាន។ នេះគឺជាកាប្រគួតដ៏អាក្រក់បំផុតរបស់ខ្ញុំ។ យើងមានមហិច្ឆតាធំ។
វាជាពេលវេលាដ៏លំបាកមួយ។ យើងត្រូវតែនៅជាមួយគ្នា ហើយខិតខំធ្វើការ។
