ខ្សែការពារ Virgil van Dijk របស់ Liverpool បានបញ្ជាក់ពីស្ថានភាពថ្មីៗ ដែលបង្ហាញថាគាត់កំពុងពិចារណាអនាគតរបស់គាត់នៅក្លឹប។
បន្ទាប់ពីការប្រកាសកាលពីសប្តាហ៍មុនថាលោក Jurgen Klopp នឹងចុះចេញពីតំណែងជាអ្នកចាត់ការទូទៅរបស់ហង្សក្រហមនៅចុងបញ្ចប់នៃរដូវកាលនេះ Van Dijk បានប្រាប់ថាគាត់មិនដឹងថាគាត់នឹងជាផ្នែកមួយនៃផែនការរយៈពេលវែងរបស់ក្លឹបនោះទេ។
នៅក្នុងបទសម្ភាសន៍ជាមួយ Sky Sports Germany ប្រធានក្លឹប Liverpool បានទទូចថាគាត់នៅតែផ្តោតលើអាជីពរបស់គាត់នៅ Anfield ។
ដើម្បីឱ្យច្បាស់ 100% ខ្ញុំប្តេជ្ញាចិត្តយ៉ាងពេញទំហឹងចំពោះក្លឹប។ ខ្ញុំស្រឡាញ់ក្លឹប ខ្ញុំស្រឡាញ់អ្នកគាំទ្រ។
វាច្បាស់ណាស់ថាជាសេចក្តីប្រកាសដ៏ធំមួយកាលពីប៉ុន្មានថ្ងៃចុងក្រោយនេះ វាជាការភ្ញាក់ផ្អើលយ៉ាងខ្លាំងចំពោះពួកយើងម្នាក់ៗ។
ខ្ញុំបានទទួលអារម្មណ៍យ៉ាងពិតប្រាកដនូវអ្វីដែលអ្នកគាំទ្រកំពុងមានអារម្មណ៍នៅក្នុងពេលនោះ។
ប៉ុន្តែដូចដែលខ្ញុំបាននិយាយរួចមកហើយនៅដើមដំបូង សូមកុំឱ្យវាមានភាពច្របូកច្របល់អី ខ្ញុំប្តេជ្ញាចិត្តយ៉ាងពេញទំហឹងចំពោះក្លឹប ហើយខ្ញុំស្រលាញ់វា ខ្ញុំស្រលាញ់គ្រប់វិនាទី។ ខ្ញុំជាប្រធានក្រុម ហើយយើងនឹងធើ្វវាទាំងអស់គ្នា ហើយចាំមើលថាតើវាទៅជាយ៉ាងណា។
