#Lionel Messi (Paris Saint-Germain)
ធ្វើបច្ចុប្បន្នភាព៖ លេខរៀងទី១
នៅឆ្នាំ ២០២១៖ រកបាន ៣៧គ្រាប់ និងបញ្ចូនបាល់ ១៤លើក។ ឈ្នះពានរង្វាន់ Copa America និង Copa del Rey (អាមេរិកខាងត្បូង)។
ប្រសិនបើមានការសង្ស័យថាតើការចាប់ផ្តើមជីវិតថ្មីរបស់ Messi នៅ PSG មានភាពយឺតយ៉ាវ អាចជះឥទ្ធិពលដល់ឱកាសឈ្នះពានរង្វាន់ Ballon d’Or របស់គាត់ឬអត់នោះ? នេះក៏ជាហេតុផលមួយផងដែរ ប៉ុន្តេកីឡាករសញ្ជាតិអាហ្សង់ទីនរូបនេះបានសម្ដែងបានយ៉ាងល្អនៅពេលបារីប៉ះជាមួយក្រុមមកពីអង់គ្លេសគឺ Man City ។
ការបង្កើតពេលវេលាបែបនេះនៅក្នុងការប្រកួតក្របខ័ណ្ឌ Champions League ដែលគួរឱ្យចាប់អារម្មណ៍នឹងធ្វើឱ្យប្រាកដថារង្វាន់ Ballon d’Or ទី ៧ សម្រាប់កីឡាករអាហ្សង់ទីនជើងចាស់នឹងមកដល់នៅខែធ្នូខាងនេះ។
#Robert Lewandowski (Bayern Munich)
ធ្វើបច្ចុប្បន្នភាព៖ លេខរៀងទី២
នៅឆ្នាំ ២០២១៖ រកបាន ៥០គ្រាប់ និងបញ្ជូនបាល់ ៨លើក។ ឈ្នះពាន Bundesliga, Club World Cup និង DFL-Supercup ។
របាយការណ៍កាលពីសប្តាហ៍មុនបានអះអាងថាតាមពិតទៅពានរង្វាន់ Ballon d’Or ឆ្នាំ ២០២០ នឹងត្រូវផ្តល់ជូន Lewandowski នៅក្នុងពិធីឆ្នាំនេះ បន្ទាប់ពីវាត្រូវបានលុបចោលដំបូងដោយសារជំងឺរាតត្បាតកូវិដ១៩។
ប្រសិនបើនោះជាករណីមែននោះវានឹងគ្រាន់តែជារង្វាន់សម្រាប់តារាឆ្នើមរបស់ក្រុម Bayern បន្ទាប់ពីរយៈពេលពីរឆ្នាំដ៏ល្អបំផុតនៃអាជីពរបស់គាត់។
#Jorginho (Chelsea)
ធ្វើបច្ចុប្បន្នភាព៖ លេខរៀងទី៣
នៅឆ្នាំ ២០២១៖ រកបាន ៥ គ្រាប់ និងបញ្ចូនបាល់ ២លើក។ ឈ្នះពាន Euro 2020, Champions League & UEFA Super Cup ។
ប្រសិនបើ Jorginho បន្ថែមពានរង្វាន់ Nations League ទៅក្នុងពានរង្វាន់យូរ៉ូ ២០២០ និងមេដាយឈ្នះពានរង្វាន់ក្របខ័ណ្ឌ Champions League ដែលគាត់មានរួចទៅហើយពីឆ្នាំនេះ តើនោះនឹងគ្រប់គ្រាន់សម្រាប់គាត់ក្នុងការឈានមុខគេក្នុងការប្រណាំង Ballon d’Or ទេ?
#N’Golo Kante (Chelsea)
ធ្វើបច្ចុប្បន្នភាព៖ លេខរៀងទី៤
នៅឆ្នាំ ២០២១៖ រកបាន ១គ្រាប់ និងបញ្ជូនបាល់ ១លើក។ ឈ្នះពានរង្វាន់ Champions League និង UEFA Super Cup ។
បញ្ហារបួសរបស់ Kante កំពុងក្លាយជាកង្វល់មួយដោយខ្សែបម្រើសញ្ជាតិបារាំងរូបនេះមានបញ្ហាសុខភាពចាប់តាំងពីការប្រកួតវគ្គផ្តាច់ព្រ័ត្រ Europa League ឆ្នាំ ២០១៩ ។
ទោះបីយ៉ាងណាក៏ដោយ ពេលដែលខ្សែបម្រើរូបនេះនៅលើទីលាន រូបគេជាកីឡាករដែលមានទម្រង់លេងឆ្នើមបំផុត។
#Romelu Lukaku (Chelsea)
ធ្វើបច្ចុប្បន្នភាព៖ លេខរៀងទី៥
នៅឆ្នាំ ២០២១៖ រកបាន ២៩គ្រាប់ និងបញ្ជូនបាល់៨លើក។ ឈ្នះពាន Serie A
ក្តីសង្ឃឹមដ៏យូរអង្វែងណាមួយដែល Lukaku ទទួលបានពានរង្វាន់ Ballon d’Or អាចនឹងបាត់ទៅហើយ បន្ទាប់ពីការចាប់ផ្តើមដ៏អស្ចារ្យរបស់គាត់នៅក្រុមតោខៀវ Chelsea បានធ្លាក់ចុះក្នុងរយៈពេលប៉ុន្មានសប្តាហ៍ថ្មីៗនេះ ទោះបីជាគាត់នៅតែអាចប្រោសឱ្យរស់ឡើងវិញនូវឱកាសនៃការឡើងទៅវគ្គផ្តាច់ព្រ័ត្រដោយការស៊ុតបញ្ចូលទីបែលហ្ស៊ិកក្នុង Nations League វគ្គផ្តាច់ព្រ័ត្រ៕