ក្រុមតោខៀវ Chelsea ដែលកំពុងប្រជែងយកកៅអី Top 4 ទៅ Champions League រដូវកាលក្រោយ បានចាញ់ក្រុម Sheffield ដែលកំពុងប្រជែងយកកៅអី Europa League ដោយលទ្ធផល ៣-០។
៣គ្រាប់របស់ក្រុមម្ចាស់ផ្ទះ រកបានដោយ David McGoldrick ២គ្រាប់ នៅនាទី ១៧ និង ៧៧ និង Oli McBurnie ១គ្រាប់ នៅនាទី ៣៣។
លទ្ធផលនេះ មិនទាន់ធ្វើឲ្យក្រុមលោក Frank Lampard ធ្លាក់ចេញពីលេខ៣ នោះទេ ដោយសារគូប្រជែង Leicester និង Manchester United មិនទាន់ប្រកួត។ ដោយលើស Leicester ត្រឹម ១ពិន្ទុ និងលើស Man Utd ត្រឹម ២ពិន្ទុ ក្រុមតោខៀវ នឹងធ្លាក់ដល់លេខ ៥ បើក្រុមគូប្រជែងទាំង ២ ឈ្នះដូចគ្នា។
ចំណែក Sheffield វិញ បានហក់ឡើងលេខ ៦ ដោយមាន ៥៤ពិន្ទុ លើស Wolverhampton ២ពិន្ទុ ប៉ុន្តែ Wolves នៅ ១ប្រកួតក្នុងដៃ។
សូមបញ្ជាក់ថា Leicester នឹងត្រូវប៉ះ Bournemouth ម៉ោង ១រំលងអាធ្រាត្រយប់នេះ រីឯ Manchester United នឹងប៉ះ Southampton ម៉ោង ២រំលងអាធ្រាត្រ យប់ថ្ងៃចន្ទ។
លទ្ធផលគូផ្សេងទៀត កាលពីយប់មិញ៖
Norwich ០-៤ West Ham
Watford ២-១ Newcastle
Liverpool ១-១ Burnley
Brighton ០-៥ Man City
