កាលពីថ្ងៃទី ២៩ ខែធ្នូ កីឡាករ Chanathip Songkrasin បានស៊ុតបាល់បញ្ចូលទីដោយបានរួមចំណែកយ៉ាងធំធេងក្នុងការជួយក្រុមថៃឈ្នះក្រុមឥណ្ឌូនេស៊ីក្នុងលទ្ធផល ៤-០ ក្នុងការប្រកួតជើងទី ១ នៃពានរង្វាន់ AFF Cup 2020 វគ្គផ្តាច់ព្រ័ត្រនៅពហុកីឡដ្ឋានជាតិសិង្ហបុរី។
ការប្រកួតនេះ ថៃបានធ្វើការផ្លាស់ប្តូរជាច្រើនក្នុងក្រុមជម្រើសដំបូង ហើយការកែសម្រួលទាំងនេះដោយគ្រូបង្វឹក Alexandre Polking បានធ្វើឱ្យខ្សែការពារឥណ្ឌូនេស៊ីភ្ញាក់ផ្អើលយ៉ាងខ្លាំង។
នាទីទី ២ ពីការសម្របសម្រួលរបស់ស្លាបស្តាំ Philip Roller បានអូសបាល់កាត់កីឡាករឥណ្ឌូនេស៊ីពីររូបហើយបន្ទាប់មកបានបញ្ជូនបាល់ទៅឱ្យ Chanathip ដែលកំពុងឈរនៅគែមតំបន់ពិន័យ។ កីឡាករ Chanathip បានវាយបកដោយជើងឆ្វេង ហើយបញ្ជូនបាល់ចូលជ្រុងខាងលើ ធ្វើឲ្យអ្នកចាំទី Nadeo បានត្រឹមឈរមើលប៉ុណ្ណោះ។ លទ្ធផលគឺ ១-០ សម្រាប់ក្រុមថៃ។
ក្រោយរកបានគ្រាប់បាល់១គ្រាប់ដំបូង ក្រុមថៃបានបន្តលេងវាយលុក ធ្វើឲ្យឥណ្ឌូណេស៊ីមិនអាចតបវិញបានឡើយ។ ជាមួយនឹងការប្រកួតដែលមានឥទ្ធិពលទាំងស្រុង (ថៃគ្រប់គ្រងបាល់បាន ៧៦%) សិស្សរបស់គ្រូបង្វឹក Polking បានបង្កើតឱកាសស៊ុតបញ្ចូលទីជាច្រើនទៀត ប៉ុន្តែជាអកុសល Philip Roller, Supachok, Teerasil Dangda, Philip Roller … មិនអាចសម្រេចគ្រាប់បាល់បញ្ចូលទីបានឡើយ។
រហូតដល់ចុងម៉ោងនៃតង់ទី១ ទើបឥណ្ឌូណេស៊ីបានបង្កើតស្ថានការណ៍ដ៏គ្រោះថ្នាក់សម្រាប់ថៃ បន្ទាប់ពីមានការវាយបកយ៉ាងរហ័សលើស្លាបឆ្វេង។ នៅដើមតង់ទីពីរ គ្រូបង្វឹក Shin Tae-Yong បានដាក់កីឡាករ Elkan Baggott, Kadek Agung, Evan Dimas ឱ្យចូលលេង ហើយឥណ្ឌូណេស៊ី បានដាក់ក្រុមវាយលុកយ៉ាងសកម្ម។ ទោះបីជាយ៉ាងណាក៏ដោយ នៅពេលដែលអ្នកវាយលុកឥណ្ឌូនេស៊ីនៅតែមិនអាចរកគ្រាប់បាល់បានទៅលើអ្នកចាំទី Siwarak។
នៅនាទីទី ៥២ ពីការវាយបកយ៉ាងលឿននៅតំបន់កណ្តាល កីឡាករ Supachok បានបណ្ដើរបាល់ពីតំបន់កណ្ដាលរហូតដល់តំបន់ពិន័យរបស់ឥណ្ឌូនេស៊ី។ បន្ទាប់ពីការព្យាយាមមិនបានសម្រេច Supachok បានបញ្ជូនបាល់មកវិញយ៉ាងលឿនរហ័សទៅ កាន់ Chanathip វាយប្រហារទៅលើអ្នកចាំទី Nadeo ដោយស៊ុតបាល់បញ្ចូលទីភ្លាម ក្នុងលទ្ធផល ២-០ សម្រាប់ក្រុមថៃ។
ក្នុងតំបន់ដែលមិនមានអ្នកការពារ Supachok បានសម្រួលបាល់បានយ៉ាងស្រួល ហើយបន្ទាប់មកបានស៊ុតបញ្ចូលទី ដោយលទ្ធផល ៣-០។
ជ័យជម្នះត្រូវបានបញ្ចប់សម្រាប់ថៃនៅនាទីទី ៨៣ បន្ទាប់ពីវាយសម្រុកយ៉ាងរហ័សនៅតំបន់កណ្តាល។ Worachit បានបាល់នៅពីមុខតំបន់ពិន័យ គាត់បានបញ្ចូនបាល់ភ្លាមៗ ឲ្យ Bordin Phala គេចចេញដើម្បីកែបាល់ហើយផ្តួលអ្នកចាំទី Nadeo កំណត់យកជ័យជម្នះ ៤-០ សម្រាប់ក្រុមថៃ។
ការឈ្នះក្រុមឥណ្ឌូនេស៊ី ៤-០ គ្រូបង្វឹក Alexandre Polking និងក្រុមរបស់គាត់បានឈានចូលកាន់តែជិតនៃតំណែងជើងឯកពានរង្វាន់ AFF Cup 2020 បើទោះបីជាមានការប្រកួតជើងទីពីរនៅថ្ងៃទី ១ ខែមករា ឆ្នាំ ២០២២ ក៏ដោយ៕
