Isco និយាយលេងសើចថាចង់​ប្រមូលលុយគ្នា ទិញ Antony ពី Man Utd ឱ្យ Real Betis

0
8

លេងឱ្យក្លិប Real Betis ក្នុងនាមជាកីឡាករខ្ចីជើងរហូតបញ្ចប់រដូវកាល ២០២៤-២៥ ខ្សែបម្រើ Antony ត្រូវបានក្លិបបិសាចក្រហមបញ្ចេញមកកាន់ទឹកដីអេស្ប៉ាញ ក្រោយរូបគេធ្លាក់ទម្រង់លេងខ្លាំង។ 

យ៉ាងណាក៏ដោយ នៅពេលទៅដល់អេស្ប៉ាញ ខ្សែប្រយុទ្ធវ័យ២៥ឆ្នាំ បានបង្ហាញទម្រង់លេងល្អឡើងវិញ ហើយតែងរួមចំណែកយកបានជ័យជម្នះដល់ក្លិប Real Betis។ ខ្ចីពី Man Utd ខ្សែបម្រើដែលមានតម្លៃផ្ទេរថ្លៃ មិនស្ថិតក្នុងជម្រើសទិញដាច់នោះទេ ហើយរូបគេនឹងវិលត្រឡប់ទៅអង់គ្លេសវិញ ក្រោយចប់រដូវកាលនេះ។

នៅក្នុងកិច្ចសម្ភាសក្រោយចប់ការប្រកួតដែល Betis យកឈ្នះជើងខ្លាំង Sevilla លទ្ធផល ២-១ កាលពីសប្តាហ៍មុន Isco ដែលកំពុងឈរជាប់ទៅនឹង Antony បានននិយាយបែបលេងសើចថា គេចង់ប្រមូលមូលនិធិ ពីក្រុមអ្នកគាំទ្រ និងកីឡាករក្នុងក្រុម ដើម្បីទិញផ្តាច់យកកីឡាករប្រេស៊ីល ពីបិសាចក្រហម ដើម្បីអាចឱ្យគេបន្តជួយក្រុមនៅរដូវកាលថ្មី។ Antony នៅសល់កិច្ចសន្យាជាមួយ Man Utd ដល់ឆ្នាំ២០២៧។

«យើងត្រូវតែប្រមូលនិធិ ដើម្បីអាចជួយគេឱ្យស្នាក់នៅទីនេះនៅឆ្នាំបន្ទាប់ទៀតបាន។ ខ្ញុំពិតជារីករាយដែលបានលេងជាមួយ Antony។ រូបគេធ្វើឱ្យយើងភ្ញាក់ផ្អើលចំពោះសមត្ថភាព និងការខំប្រឹងរបស់គេ។ យើងចាប់អារម្មណ៍ថា គេបានផ្លាស់ប្តូរចាប់តាំងពីពេលមកដល់។ យើងរីករាយសម្រាប់គេ និងសម្រាប់ក្រុមទាំងមូល»។ អតីតកីឡាករ Real Madrid និងជម្រើសជាតិអេស្ប៉ាញ បាននិយាយលាយឡំការសើចសប្បាយ ចំពោះមុខ Antony ក្នុងកិច្ចសម្ភាសក្រោយចប់ការប្រកួត។ 

នៅក្លិប Real Betis ខ្សែប្រយុទ្ធប្រេស៊ីល រកបាន ៤គ្រាប់ ពីការបង្ហាញខ្លួនចំនួន ១២លើក ហើយរូបគេក៏ធ្លាប់រួមចំណែកជួយក្រុមយកឈ្នះ Real Madrid រដូវកាលនេះ ក្នុងជំនួបក្របខណ្ឌ La Liga ផងដែរ។ Isco ពិតជាចង់ឱ្យអតីតកីឡាករ Ajax Amsterdam រូបនេះ បន្តលេង ១រដូវកាល ថែមទៀតលើទឹកដីអេស្ប៉ាញ និងជឿថារឿងនេះនឹងអាចកើតឡើង ព្រោះផ្តល់ប្រយោជន៍ខ្ពស់ដល់ក្លិប Real Betis នៅអនាគត។

Antony បើទោះមិនអាចរកបានគ្រាប់បាល់ក្នុងជំនួបទីក្រុងតែមួយដែលយកឈ្នះលើ Sevilla កាលពីសប្តាហ៍មុន ប៉ុន្តែរូបគេបានរួមចំណែកជួយបង្កើតឱកាសដល់ក្រុមអំឡុងការប្រកួត ហើយថែមទាំងបានអបអររួមគ្នាជាមួយនឹងក្រុមចំពោះមុខអ្នកគាំទ្រ។ អតីតកីឡាករ Ajax រកបានចំនួន ១២គ្រាប់ ពីការបង្ហាញខ្លួនចំនួន ៩៦លើក នៅ Man Utd ក្រោយផ្ទេរមកទឹកដីអង់គ្លេសជាង ១០០លានដុល្លារ៕

Facebook: 1X Cam-Sports
Telegram: https://t.me/xbetcambodia