Havertz គួរតែចាកចេញពី Leverkusen ដើម្បីកែលំអអាជីពរបស់គាត់ ប៉ុន្តែតើអ្វីជាទិសដៅសមរម្យសម្រាប់កីឡាករអាឡឺម៉ង់រវាង Liverpool ឬ MU?
នៅអាយុ ២១ ឆ្នាំ Kai Havertz គឺជាតារាវាយប្រហារដ៏គួរអោយកត់សំគាល់មួយរូបនៅ Bundesliga ។ ក្រុមធំ ៗ ជាច្រើនរួមទាំង MU និង Liverpool សុខចិត្តចំណាយប្រាក់ដើម្បីយកកីឡាករកម្ពស់ ១,៨៩ ម៉ែត្រ។
Havertz ផ្ទាល់ ក៏បានបញ្ជាក់ដែរថាការចាកចេញទៅក្រៅប្រទេសដើម្បីស្វែងរកការប្រកួតប្រជែងថ្មីៗនៅក្នុងអាជីពរបស់គាត់ គឺជាគោលដៅកំពូលរបស់គាត់។
សំណួរដែលមនុស្សជាច្រើនសួរ គឺថាកីឡាកររបស់ Leverkusen គួរតែជ្រើសរើសយក Liverpool ឬ MU នៅក្នុងទីផ្សារដោះដូរកីឡាករនារដូវក្តៅឆ្នាំ ២០២០ ។
ថ្មីៗនេះលោក Don Hutchinson អតីតខ្សែបម្រើក្រុមហង្សក្រហម Liverpool បានលើកឡើងថ Havertz គួរតែផ្លាស់ទៅក្លឹបចាស់របស់គាត់។ យោងតាមលោក Hutchinson បានអោយដឹងថា Liverpool គឺពិតជាសាកសមសំរាប់ Havertz ហើយនឹងក្លាយជាកន្លែងចាប់ផ្តើមសំរាប់ការអភិវឌ្ឍន៍អាជីពរបស់គាត់។
Hutchinson បាននិយាយថាមិនខុសទេក្នុងកាលៈទេសនេះ ប៉ុន្តែThe Kop មិនប្រាកដថាជាជំរើសល្អសំរាប់ Havertz ទេ។
បន្ទាប់ពីអភិវឌ្ឍអស់រយៈពេលជាយូរមក គ្រូបង្វឹកលោក Juergen Klopp បានរៀបចំប្រព័ន្ធមួយជាមួយមនុស្សដែលសមរម្យ ជាពិសេសនៅក្នុងការវាយប្រហារ។ ពិតណាស់គ្រូជនជាតិអាឡឺម៉ង់មិនចង់ធ្វើឱ្យរំខានដល់ស្ថេរភាពនោះទេ ទោះបីជាគាត់កោតសរសើរដល់ Havertzក៏ដោយ។
ប្រសិនបើមកលេងនៅក្រុម MU នោះ Havertz នឹងមានឱកាសជាច្រើនក្នុងការបញ្ចេញសមត្ថភាព និងអភិវឌ្ឍខ្លួន ជាពិសេសក្នុងបរិបទគ្រូបង្វឹកលោក Ole Gunnar Solskjaer មានគោលបំណងចង់បង្កើតក្រុមយុវជនដែលមានភាពក្លៀវក្លា។
ទោះបីជាស្ថិតក្នុងកណ្តាប់ដៃរបស់ Bruno Fernandes ដែលបានផ្តល់ប្រភពនៃការច្នៃប្រឌិតដែល MU ខ្វះក្នុងរយៈពេលប៉ុន្មានឆ្នាំថ្មីៗនេះ គ្រូបង្វឹក Solskjaer ទទួលស្គាល់ថាគាត់មិនគួរអោយកីឡាករព័រទុយហ្កាល់ទទួលខុសត្រូវទាំងក្នុងការបង្កើត និងរកពិន្ទុឡើយ។ ។
ប្រសិនបើ Havertzនៅខាងមុខ ឬនៅក្បែរ Fernandes អាចផ្តោតទាំងស្រុងលើការនាំយកគំនិតច្នៃប្រឌិតទៅ “បិសាចក្រហម” ។ ហើយ Havertz ក៏នឹងបញ្ចេញទេពកោសល្យរបស់គាត់ដើម្បីរកគ្រាប់បាល់បញ្ចូលទីផងដែរ។
វាហាក់ដូចជាបើប្រៀបធៀបទៅនឹង Anfield, Havertz នឹងមានឪកាសសម្រាប់បង្ហាញសមត្ថភាពកាន់តែច្រើននៅ Old Trafford ដោយពង្រីកផ្លូវអាជីព៕
