បច្ចេកវិទ្យា VAR មិនបានជ្រៀតជ្រែកក្នុងស្ថានភាពចម្រូងចម្រាសដែលនាំឱ្យ MU ត្រូវបាន Southampton ចូលរួមចែកពិន្ទុគ្នា ដែលបាត់បង់ឱកាសដើម្បីឈានដល់ចំណាត់ថ្នាក់លលេខ ៤ ។
អ្នកអត្ថាធិប្បាយទូរទស្សន៍ Sky Sports លោក Gary Neville និងលោក Matt Le Tissier មានមតិចម្រុះគ្នាថាតើខ្សែបម្រើរបស់ក្រុម Southampton កីឡាករ Oriol Romeu សមនឹងទទួលបានកាតក្រហមលើកំហុសជាមួយ Mason Greenwood នៅពេលដែលបីសាចក្រហម បានស្មើគ្នា ២-២ ជាមួយ Southampton ។
នៅពេលដែល Man Utd កំពុងនាំមុខ ២-១ នៅចុងបញ្ចប់នៃតង់ទី ១ ខ្សែបម្រើសញ្ជាតិអេស្ប៉ាញរូបនេះបានទាត់ពីក្រោយទៅលើជើងរបស់ Greenwood បណ្តាលឱ្យតារាវ័យក្មេងវ័យក្មេង MU ឈឺចាប់។
បច្ចេកវិទ្យា VAR មិនអើពើនឹងឧប្បត្តិហេតុនេះនៅពេលដែលអាជ្ញាកណ្តាល Chris Kavanagh បាននិយាយថាមិនមានកំហុសជាក់ស្តែងទេដូច្នេះគាត់បានសំរេចចិត្តមិនដកហូតសិទ្ធិប្រកួតរបស់ Romeu ។
ទោះយ៉ាងណាវីរបុរសរបស់ MU លោក Gary Neville ជឿជាក់ថាកីឡាករ Southampton គួរតែត្រូវបានបណ្តេញចេញពីការប្រកួតភ្លាមៗ។ លោកបាននិយាយដោយផ្ទាល់ថា “ខ្ញុំមិនចូលចិត្តរឿងនេះទេ” ។ “ ខ្ញុំគិតថាវាជាស្នៀតមិនល្អ។ គាត់មិនបានបំបែកបាល់ទេ ប៉ុន្តែគាត់ព្យាយាមទាត់ជើង Greenwood។ ខ្ញុំគិតថាគាត់សំណាងណាស់ដែលមិនត្រូវគេបណ្តេញចេញពីការប្រកួត។ គាត់អាចបំបាក់ជើងរបស់កីឡាករបីសាចក្រហម” ។
ជាមួយគ្នានេះដែរអតីតតារាឆ្នើមរបស់ Southampton លោក Le Tissier យល់ថាអាជ្ញាកណ្តាល Kavanagh បានធ្វើការសម្រេចចិត្តត្រឹមត្រូវក្នុងការមិនដាក់ទណ្ឌកម្ម Romeu ។ លោកបានមានប្រសាសន៍ថា“ ខ្ញុំមិនយល់ស្រប (ជាមួយ Gary Neville) ។ “ ខ្ញុំមិនគិតថានោះជាស្ថានភាពដែលកាតក្រហមត្រូវបានផ្តល់ឱ្យនោះទេ។ នៅពេលចលនាយឺតមនុស្សតែងតែមានអារម្មណ៍ថាវាអាក្រក់។
Romeu ពិតជាបន្ថយល្បឿននៅពេលដែលគាត់ចូលគៀកគ្នា (ជាមួយ Greenwood) កម្លាំងដែលគាត់បានប៉ះទៅលើជើង Greenwood ពិតជាអាក្រក់ណាស់នៅពេលដែលវីដេអូចលនាយឺតៗ ។
ខ្ញុំមិនប្រាកដថានេះជាការប៉ុនប៉ងដោយចេតនា ហើយខ្ញុំមិនគិតថាវាគ្រប់គ្រាន់ក្នុងការធានាលើកាតក្រហមឡើយ៕
