សហព័ន្ធកីឡាបាល់ទាត់ថៃ (FAT) បានប្រកាសបញ្ជីឈ្មោះកីឡាករ U.23 ចំនួន ២៨រូប ដែលត្រៀមចូលរួមប្រកួតព្រឹត្តិការណ៍ AFF U.23 Championship 2022 នៅកម្ពុជានាពេលខាងមុខ។
ក្នុងព្រឹត្តិការណ៍ AFF U.23 Championship 2022 ដែលប្រព្រឹត្តទៅចាប់ពីថ្ងៃទី ១៤ ដល់ថ្ងៃទី ២៦ ខែកុម្ភៈ ក្រុម U.23 របស់ថៃ ស្ថិតក្នុងពូល C ជាមួយវៀតណាម និងសិង្ហបុរី។ បញ្ជីឈ្មោរបសើក្រុមថៃ ដែលនាំយកមកប្រកួតនៅកម្ពុជាលើកនេះ ភាគច្រើនជាកីឡាករ U.19 ដែលដឹកនាំដោយគ្រូបង្វឹកសញ្ជាតិអេស្ប៉ាញ Salva Valero Garcia ។
កន្លងមក សហព័ន្ធកីឡាបាល់ទាត់ថៃ បានសម្រេចយកសមាសភាពសំខាន់របស់ក្រុមជម្រើសជាតិ U.19 ទៅចូលរួមការប្រកួតជើងឯក AFF U.23 Championship 2022 ឆ្នាំនេះ ដែលកម្ពុជាធ្វើជាម្ចាស់ផ្ទះ។ មូលហេតុគឺពិបាកសម្រាប់ក្រុម U.23 ក្នុងការជួបជុំគ្នា ដោយសារពួកគេរវល់លេងឱ្យក្លឹបនៅ Thai League 1 ក៏ដូចជាចង់ផ្តោតលើការប្រកួត U.23 អាស៊ីនៅខែមិថុនាខាងមុខ។
ក្រុម U.23 ថៃ លើកនេះ ភាគច្រើនលេងឱ្យក្លឹបនៅក្របខណ្ឌទី២ និងទី៣ នៅក្នុងប្រទេស ដោយក្នុងនោះមានកីឡាករតែ ២ នាក់ប៉ុណ្ណោះក្នុងក្រុម U.23 គឺខ្សែការពារ Anusak Jaiphet និងខ្សែប្រយុទ្ធ Teerasak Poeiphimai ។ ដូច្នេះហើយ បើតាមសារព័ត៌មានក្នុងស្រុក សហព័ន្ធកីឡាបាល់ទាត់ថៃ មិនបានកំណត់គោលដៅសម្រាប់ក្រុមក្នុងពានរង្វាន់ AFF U23 Championship 2022 នោះទេ។
តាមការគ្រោងទុក ក្រុម U.23 ថៃ នឹងប្រមូលផ្ដុំគ្នានៅខេត្តឈុនបុរី ហើយហ្វឹកហាត់ចាប់ពីថ្ងៃទី ៧ ដល់ ១០ ខែកុម្ភៈ បន្ទាប់មកចេញដំណើរមកកម្ពុជានៅថ្ងៃទី ១១ ខែកុម្ភៈ។
ជាមួយគ្នានេះ ក្រុម U.23 វៀតណាម ក៏បានចូលរួមការប្រកួតជើងឯក U.23 អាស៊ីអាគ្នេយ៍ឆ្នាំនេះផងដែរ ដោយកីឡាករភាគច្រើនគឺជាកីឡាករ U.21។
តាមការគ្រោងទុក ក្រុម U.23 ថៃ នឹងប្រកួតបើកឆាកពូល C ជាមួយ U.23 សិង្ហបុរី នៅថ្ងៃទី ១៦ ខែកុម្ភៈ និង U.23 វៀតណាម (ថ្ងៃទី ២២ ខែកុម្ភៈ); ក្រុម U.23 វៀតណាម vs សិង្ហបុរី U.23 នៅថ្ងៃទី ១៩ ខែកុម្ភៈ។ ការប្រកួតនឹងធ្វើឡើងនៅវេលាម៉ោង១៩និង០០នាទីនៅកីឡដ្ឋាន Prince Stadium រាជធានីភ្នំពេញ៕
