Xavi ត្រូវបានគេចាត់ទុកជាបេក្ខភាពឈានមុខគេ ដើម្បីក្លាយជាគ្រូបង្វឹករបស់ Barca ជំនួសលោក Koeman។ ខណៈគាត់កំពុងមានកំណត់ត្រាបង្វឹកដ៏គួរឲ្យចាប់អារម្មណ៍ក្នុងប្រទេសកាតា។
ជាមួយនឹងជ័យជម្នះកាលពីថ្ងៃអង្គារលើ Umm Salal ក្រុម Al-Sadd ដែលដឹកនាំដោយ Xavi Hernandez បានឆ្លងផុតកំណត់ត្រាប្រកួតចំនួន ១០០ ដោយសម្រេចបាននូវកំណត់ត្រាឈ្នះ ៦៦ លើក ស្មើ ១៦ ដង និងចាញ់ ១៨ ដង ដោយស៊ុតបញ្ចូលទីបាន ២៧៣ គ្រាប់ និងរបូតគ្រាប់បាល់ ១២៦ គ្រាប់។ ចាប់តាំងពីរដូវកាល ២០១៨/១៩ ក្រុមនេះបានឈ្នះពានរង្វាន់ចំនួន ៧លើកហើយ ។
ការយកឈ្នះ Umm Salal ក្នុងលទ្ធផល ៣-១ ក្នុងក្របខណ្ឌ Qatar Stars League ក្រុម Al-Sadd បន្តឈរនៅលើកំពូលតារាងដោយមាន ២១ ពិន្ទុ ដោយមានចំនួន ៣ ពិន្ទុច្រើនជាងក្រុមចំណាត់ថ្នាក់លេខ ២ Al-Duhail និងក្រុមទីបី Al-Arabi ចំនួន ៨ ពិន្ទុ។
Al-Sadd គឺជាក្រុមការពារជើងឯកនៃលីកកំពូលប្រទេសកាតា ហើយមិនបានចាញ់ការប្រកួតក្នុងស្រុកចាប់តាំងពីថ្ងៃទី ៧ ខែមីនា ឆ្នាំ ២០២០ នៅពេលដែលពួកគេបានចាញ់ ០-១ លើក្រុម Al-Rayyan បានឆ្លងកាត់ការប្រកួត ៣៤លើក ដែលមិនចាញ់។
នៅក្នុងលីគ Qatar Stars League ក្រុម Al-Sadd ដែលដឹកនាំដោយ Xavi លេងបាន ៥១ ប្រកួត ជាមួយនឹងអត្រាឈ្នះ ៧៨.៤% (៤០) នៅសល់ស្មើ ៦ (១១.៧%) និងចាញ់ ៥ (៩.៨%) ដោយស៊ុតបញ្ចូលទីបាន ១៥៧ គ្រាប់ (ជាមធ្យម ៣.០៧ គ្រាប់/ប្រកួត។ ) និងត្រូវគូប្រកួតស៊ុកបញ្ចូលទីវិញចំនួន ៥៣ ដង។ កាលពីរដូវកាលមុន ក្រុមរបស់អតីតខ្សែបម្រើរូបនេះបានឈ្នះជើងឯកដោយមាន ១៣ ពិន្ទុច្រើនជាងក្រុមលេខ ២ និងបានបញ្ចប់គោលដៅនៅ ៤ ជុំដំបូង។
ពានរង្វាន់ចំនួន ៧ ដែល Xavi ឈ្នះក្នុងនាមជាគ្រូបង្វឹកក្រុម Al-Sadd:
១. Super Cup (Sheikh Jassim Cup) ថ្ងៃទី ១៧ ខែសីហា ឆ្នាំ ២០១៩ Al-Sadd – Al-Duhail ១-០
២. Crown Prince Cup ថ្ងៃទី ១៧ ខែ មករា ឆ្នាំ ២០២០ Al-Sadd – Al-Duhail ៤-០
៣. League Cup (Star League Cup), ថ្ងៃទី ១០ ខែតុលា ឆ្នាំ២០២១, Al-Sadd – Al-Arabi ៤-០
៤. Emir Cup ថ្ងៃទី១៨ ខែធ្នូ ឆ្នាំ ២០២០ Al-Sadd – Al-Arabi ២-១
៥. Crown Prince Cup ថ្ងៃទី២៦ ខែកុម្ភៈ ឆ្នាំ ២០២១ · Al-Sadd – Al-Duhail ២-០
៦. Qatar Stars League ថ្ងៃទី ៧ ខែមីនា ឆ្នាំ ២០២១ បានឈ្នះមុនគេដោយមាន ៥០ ពិន្ទុ រួមទាំងឈ្នះ ១៦ប្រកួរ និងស្មើ ២ ក្នុង ១៨ប្រកួត។ Al-Sadd ទទួលបានពិន្ទុច្រើនជាងគេ (៦៩) ហើយជាក្រុមដែលចាញ់តិចបំផុត (១២)។ ពួកគេបានបញ្ចប់ដោយឈ្នះ ១៩ ដង និងស្មើ ៣ ដង។
៧. Emir Cup ថ្ងៃទី ២២ ខែតុលា ឆ្នាំ ២០២១ Al-Sadd ១-១ Al-Rayyan (ប៉េណាល់ទី ៥ – ៤)
