Arsene Wenger ជឿជាក់យ៉ាងមុតមាំថា Kylian Mbappe នឹងស្នងតំណែង Messi និង Ronaldo នៅពេលដែលកំពូលកីឡាករទាំងពីចូលនិវត្តន៍ប្រហែល៣ ឬ៤ឆ្នាំទៀត។
លោកលើកឡើងដោយហេតុផលថា ខ្សែប្រយុទ្ធឆ្នើមវ័យ២១ឆ្នាំ មានអាយុតិច ប៉ុន្តែបានសាងកេរ្តិ៍ឈ្មោះ និងស្នាដៃប្រហាក់ប្រហែលនឹងរៀមច្បងរួចទៅហើយ ក្នុងនោះរូបគេបានឈ្នះលីគកំពូលបារាំង, ឈ្នះ World Cup ឲ្យក្រុមជម្រើសជាតិមាន់គក និងឈ្នះពានកីឡាករវ័យក្មេងរបស់ពិភពលោកថែមទៀតផង។
បើគេនិយាយពីសមិទ្ធផលនៅជម្រើសជាតិ Mbappe គឺលេចធ្លោជាងរៀមច្បងប៉ុន្តែបើនិយាយពីក្លឹបអាជីពវិញរូបគេនៅមិនទាន់ឈ្នះ UEFA Champions League នៅឡើយ ហើយក៏មិនទាន់ឈានជើងចេញពីបារាំងទៅឈ្នះពាននៅក្រៅប្រទេសដែរ៕
