លោក Aleksander Ceferin ប្រធានសហព័ន្ធបាល់ទាត់អឺរ៉ុប UEFA បាននិយាយថាកាលពីពេលថ្មីៗនេះថា ការប្រកួតនឹងត្រលប់មកវិញ ដោយមិនមានអ្នកគាំទ្រចូលរួមជាមួយ។
លោក Ceferin បាននិយាយថា ៖ ” កត្តាចម្បងឥឡូវនេះគឺសុខភាពរបស់ អ្នកគាំទ្រ កីឡាករ និងអ្នកផ្សេងៗទៀត។ ទោះជាយ៉ាងណាក្ដីការប្រកួតនឹងត្រលប់មកវិញ ហើយខ្ញុំយល់ឃើញថា រដូវកាលនេះនឹងអាចបញ្ចប់បាន ” ។
ប្រធាន UEFA រូបនេះបានបន្ត ៖ ” ច្បាស់ណាស់ការប្រកួតនឹងធ្វើឡើងដោយមិនឲ្យមានអ្នកគាំទ្រចូលរួមទេ តែយ៉ាងក្ដីខ្ញុំគិតវាអាចធ្វើអ្នកគាំទ្រមានការសប្បាយរីករាយឡើងវិញ។ ពួកយើងត្រៀមខ្លួនលេងដោយមិនមានអ្នកគាំទ្ររួចរាល់ហើយ ” ។
យ៉ាងណាមិញ លោកក៏បានសង្ឃឹមថា ការប្រកួត UEFA Champions League វគ្គផ្ដាច់ព្រ័ត្រអាចនឹងធ្វើឡើងនៅខែកញ្ញា ឆ្នាំ២០២០ខាងមុខនេះផងដែរ៕
