កីឡាករ Lionel Messi ទើបតែបានផ្ញើសារទៅកាន់ Barca ត្រូវតែទិញឲ្យបាន Neymar ទើបរូបគេព្រមនៅបន្តជាមួយ Nou Camp ។
អនាគតរបស់ Lionel Messi មិនស្ថិតក្នុងដៃរបស់ Barca ទេ នៅពេលដែលកីឡាករសញ្ជាតិអាហ្សង់ទីនរូបនេះ មានសិទ្ធិបញ្ចប់កិច្ចសន្យាជាឯកតោភាគីនៅរដូវក្តៅឆ្នាំ ២០២០ ។
នៅឆ្នាំ ២០១៧ Messi បានបន្តកុងត្រាជាមួយ Barca រហូតដល់ឆ្នាំ ២០២១។ ទោះយ៉ាងណា យោងទៅតាមល័ក្ខខ័ណ្ឌដែលលោក Messi បានស្នើសុំ គឺចាប់ពីរដូវក្តៅឆ្នាំ ២០២០ ក្នុងករណីបន្ដការពន្យារពេល Messi ត្រូវបានអនុញ្ញាតឱ្យជ្រើសរើសចាកចេញ ឬក៏បន្តនៅ រៀងរាល់រដូវក្តៅ។
ក្រោមលក្ខខណ្ឌនៃកិច្ចសន្យាពេលវេលាកំណត់សម្រាប់ Messi ដើម្បីធ្វើការជ្រើសរើសអំពីអនាគតគឺត្រូវបញ្ចប់នៅថ្ងៃទី ៣១ ខែឧសភា។
ថ្មីៗនេះ គ្រូបង្វឹក Quique Setien បានបញ្ជាក់ថា Messi មានសមត្ថភាពក្នុងការចាកចេញពី Barca ប្រសិនបើគាត់រកឃើញថាគម្រងកីឡាដែលក្លឹបរៀបចំមិនសមរម្យ។
Messi បានស្នើសុំឱ្យ Barca ទិញ Neymar ដែលជាមិត្ត និងដៃគូដ៏ល្អបំផុតរបស់គាត់នៅខ្សែប្រយុទ្ធជួរមុខ។
អតីតប្រធានក្លឹប Barca បានណែនាំឱ្យ Barca ទិញ Neymar តាមដែល Messi ចង់បាន។
ប៉ុន្មានថ្ងៃមុននេះអតីតអនុប្រធា Emili Rousaud ដែលត្រូវបានបង្ខំឱ្យលាឈប់ពីតំណែង “Barcagate” ដោយប្រធាន Josep Maria Bartomeu ក៏បានបញ្ជាក់ដែរថាក្លឹបគ្រោងនឹងទិញ Neymar ឆាប់ៗនេះ។
ក្នុងប៉ុន្មានសប្តាហ៍ថ្មីៗនេះ Barca ពិតជាបានស្នើសុំទៅ PSG ។ ទោះយ៉ាងណាមន្រ្តីក្លឹបកាតាឡាន់មិនបានផ្តោតអារម្មណ៍ទាំងស្រុងលើដំណើរការចរចានោះទេ។
លើសពីនេះទៅទៀត Barca បានទទួលរងនូវការខាតបង់ហិរញ្ញវត្ថុយ៉ាងធ្ងន់ធ្ងរដោយ Covid-19 ដូច្នេះវាមិនបានបំពេញតាមតម្រូវការនៃសាច់ប្រាក់ចំនួន ១៥០ លានអឺរ៉ូដែល PSG បានធ្វើនោះទេ។
Barca គឺជាក្លឹបដែលមានមូលនិធិប្រាក់ខែខ្ពស់បំផុតនៅលើពិភពលោកដែលមានចំនួន ៥៤២ លានអឺរ៉ូ (មិនរាប់បញ្ចូលប្រាក់ខែសំរាប់អ្នកមិនមែនកីឡានិងមន្រ្តី) ។ តាមការប៉ាន់ស្មានក្រុមម្ចាស់ផ្ទះ Nou Camp បានខាតបង់អស់ ១៣០ លានអឺរ៉ូនៅរដូវកាលនេះ។
ក្រោមសម្ពាធរបស់ Messi ប្រធាន Bartomeu ត្រូវពិចារណាឡើងវិញនូវផែនការទិញ Neymar ។ ដោយសារតែការបាត់បង់ប្រធានក្រុមអាហ្សង់ទីនអាចបណ្តាលឱ្យ Barca ដួលរលំទាំងស្រុង។
