Kylian Mbappe ជាកីឡាករវ័យក្មេង និងឆ្នើមបំផុតរបស់បារាំង នៅពេលបច្ចុប្បន្ននេះ ដែលធ្លាប់ជួយបារាំងលើកពាន World Cup 2018 និងជាបេក្ខភាពប្រជែងពាន Ballon d’Or ថែមទៀត។
កីឡាករដែលកំពុងប្រកបអាជីពនៅក្លឹប PSG ខាងលើនេះដែរ មានប្រវត្តិស្នេហា មិនចេញមុខដូចកីឡាករដទៃទៀតនោះទេ ប៉ុន្តែរូបគេក៏មានសង្សារស្រស់ស្អាតម្នាក់ផងដែរ។ ប្រភពនៅបារាំង បានបញ្ជាក់ថា Mbappe មានសង្សារឈ្មោះ Alicia Aylies ដែលជាម្ចាស់ពានរង្វាន់ Miss France 2017 និងជាមិត្តភក្ដិរបស់ Tom Cruise ថែមទៀតផង។ ស្រីស្អាត សម្បុរស្រអែម វ័យ២២ឆ្នាំរូបនេះ ត្រូវបានគេដឹងថាទាក់ទងជាមួយ Mbappe នៅឆ្នាំ២០១៨។
Aylies បច្ចុប្បន្ននេះមានការងារជាតារាបង្ហាញម៉ូដ ហើយក្រៅពីការងារទៅ នាងក៏បន្ដការសិក្សាផ្នែកច្បាប់នៅសាកលវិទ្យាល័យផងដែរ។ គេកម្រឃើញរូបភាពរបស់នាង និងមិត្តប្រុសខ្លាំងណាស់ ដោយសារតែ Mbappe ចង់មានជីវិតឯកជនជាមួយមនុស្សជាទីស្រលាញ់របស់ខ្លួន។ ដោយឡែក ប្រភពនៅបារាំងក៏បញ្ជាក់ដែរថា នាង Aylies បានរស់នៅយ៉ាងមានក្ដីសុខបំផុតក្នុងជីវិតជាសង្សារតារាបាល់ទាត់ពិភពលោកនេះ៕
