Messi គឺជាតួអង្គកីឡាមួយដែលទាក់ទាញបំផុតសម្រាប់ម៉ាកទាំងអស់។ គាត់កំពុងទទួលបានការឧបត្ថម្ភពីម៉ាកល្បីៗ ជាច្រើននៅលើពិភពលោក។
ទោះយីហោកីឡាណាមួយក៏ដោយ ក៏ចង់ឱ្យមានវត្តមានរបស់ Messi ពីព្រោះតារាអាហ្សង់ទីនមានភាពសមនឹងជោគជ័យ។
ប្រសិនបើមានអ្នកឧបត្ថម្ភម្នាក់ដែលសម្គាល់អាជីពរបស់ Messi វាគឺជាAdidas។ យីហោមកពីអាល្លឺម៉ង់នេះ និងខ្សែប្រយុទ្ធ Barca បាននៅជាមួយគ្នាតាំងពី ១៤ ឆ្នាំមុន (២០០៦) ។
នៅពេលនោះ Messi ទើបតែចាប់ផ្តើមលេចធ្លោនៅក្នុងពិភពបាល់ទាត់។ រហូតមកដល់ខែកុម្ភៈឆ្នាំ ២០១៧ ទំនាក់ទំនងនេះត្រូវបានពង្រឹងបន្ថែមទៀតដោយភាគីទាំងពីរបានចុះកិច្ចសន្យាពេញមួយជីវិតរហូតដល់កីឡាករកើតឆ្នាំ ១៩៨៧ ឈប់ចូលរួមប្រកួត។
ទោះបីជាចំនួនកិច្ចសន្យាមិនទាន់ត្រូវបានប្រកាសក៏ដោយ ក៏ Messi ត្រូវបានធានាប្រាក់យ៉ាងច្រើនដោយសារតែការចុះហត្ថលេខាចុងក្រោយរបស់គាត់ជាមួយAdidas។
នៅពេលដែល Messi ប្រើឧបករណ៍ Adidas ការប្រកួតប្រជែងជាមួយកីឡាករ Cristiano Ronaldo ក៏កាន់តែតានតឹងនៅពេលខ្សែប្រយុទ្ធរបស់ក្រុមសេះបង្កង់ Juventus គឺជាកំពូលរបស់គូប្រជែង Nike ។
តាមពិតទៅ Messi កំពុងលេងឱ្យក្លឹប Barcelona ឧបត្ថម្ភដោយក្រុមហ៊ុន Nike រីឯកីឡាករ Cristiano Ronaldo ក៏ធ្លាប់ពាក់អាវ Real Madrid ឧបត្ថម្ភដោយ Adidas ផងដែរ។
ជាក់ស្តែង Adidas មិនមែនជាក្រុមហ៊ុនតែមួយទេដែលចំណាយប្រាក់ឱ្យ Messi ផ្សព្វផ្សាយ។ យោងតាមសេចក្តីប្រកាសចុងក្រោយពីទស្សនាវដ្តី Forbes បានអោយដឹងថាម្ចាស់បាល់មាសចំនួន ៦ មានកិច្ចព្រមព្រៀងជាមួយម្ចាស់ឧបត្ថម្ភចំនួន ១៣ ផ្សេងៗគ្នា។
ឧទាហរណ៍ក្រុមហ៊ុន Huawei គឺជាអ្នកឧបត្ថម្ភម្នាក់ដែលបានចូលរួមវិភាគទានប្រចាំឆ្នាំច្រើនបំផុតដល់ Messi ។ ខ្សែប្រយុទ្ធសញ្ជាតិអាហ្សង់ទីនរូបនេះ បានចុះកិច្ចព្រមព្រៀងជាមួយយីហោចិនកាលពីឆ្នាំ ២០១៦ ខណៈដែលក្រុមហ៊ុនMengnuiគ្រុប ដែលជាក្រុមហ៊ុនជំនាញខាងផលិតផលទឹកដោះគោក៏បានឧបត្ថម្ភដល់គាត់ផងដែរ។
ក្នុងឆ្នាំ ២០១៣ Messi បានក្លាយជាឯកអគ្គរដ្ឋទូតរបស់ក្រុមហ៊ុន Ooredoo ដែលជាក្រុមហ៊ុនពហុជំនាញខាងទូរគមនាគមន៍។ នៅមជ្ឈឹមបូព៌ាគាត់គឺជាឯកអគ្គរដ្ឋទូតសកលនៃពិព័រណ៍ឌូបៃឆ្នាំ ២០២០ ។
Messi ក៏ជានិមិត្តរូបនៃម៉ាកវីដេអូហ្គេមម៉ាក Konami ផងដែរ។ ជាការពិតតារាអាហ្សង់ទីនបានបង្ហាញខ្លួននៅលើគម្របរបស់eFootball PES 2020 ។
ក្រៅពីនេះ Pepsi, Lay និង Gatorade ដែលជាកម្មសិទ្ធិរបស់ PepsiCo មានកិច្ចព្រមព្រៀងជាមួយកីឡាករអាវលេខ ១០ ដែលសម្តែងក្នុងការផ្សាយពាណិជ្ជកម្មតាមទូរទស្សន៍ផ្ទាំងរូបភាព និងការបោះពុម្ពផ្សាយផ្សេងៗទៀតនៅលើគណនី Instagram ។
នៅដើមឆ្នាំ ២០១៨ ការផ្សាយពាណិជ្ជកម្មរបស់ Messi សម្រាប់ Mastercard បានថតជាលើកដំបូង។ ចំណែកក្រុមហ៊ុន Jacob & Co ដែលជាក្រុមហ៊ុនគ្រឿងអលង្ការ និងនាឡិកាដៃភាគីទាំងពីរបានឈានដល់កិច្ចព្រមព្រៀងគ្នានៅដើមឆ្នាំ ២០១៩ ៕
