យោងតាមកាសែតអង់គ្លេស បានចុះផ្សាយថា ក្រោយពីបានជួយក្រុមបីសាចក្រមដណ្ដើមបានសំបុត្រ ចូលទៅកាន់ Champions League គ្រូបង្វឹកលោក Ole Gunnar Solskjaer នឹងត្រូវបានថ្នាក់ដឹកនាំបីសាចក្រហម ប្រគល់ជូនទឹកប្រាក់ចំនួន ១៤០លានផោន សម្រាប់ចាត់ចែងក្នុងការនាំយកកីឡាករថ្មីមកកាន់ក្លិប នៅរដូវក្ដៅនេះ។
ប្រភពព័ត៌មានបានឲ្យដឹងបន្ថែមទៀតថា មួយភាគធំនៃចំនួនទឹកប្រាក់ដែល Ole Gunnar Solskjaer ទទួលបាន គឺគាត់នឹងចាត់ចែងសម្រាប់ការនាំយកកីឡាករសញ្ជាតិអង់គ្លេសមួយរូប ដែលកំពុងមានឈ្មោះបោះសំឡេងនៅក្នុងប្រភពបាល់ទាត់អឺរ៉ុប គឺកីឡាករ Jadon Sancho របស់ក្លិប Dortmund។
Dortmund បានដាក់ចេញនូវតម្លៃរបស់ Jadon Sancho ក្នុងតម្លៃចំនួន ១០៩លានផោន វាជាតម្លៃមួយដែលថ្លៃខ្លាំងណាស់សម្រាប់ក្រុមបីសាចក្រហម។ ក្រុមបីសាចក្រហមថ្មីៗនេះ ក៏បានស្នើឲ្យភាគីខាង Dortmund បញ្ចុះតម្លៃពី ១០៩លានផោន មក ៨៩លានផោនវិញ ប៉ុន្តែភាគីខាង Dortmund នៅតែរក្សាតម្លៃដើម៕
