Lionel Messi កម្រនឹងចេញមុខតបតជាមួយបណ្ដាកាសែតដែលចុះផ្សាយទាក់ទងជាមួយរូបគេណាស់ ប៉ុន្តែពេលនេះប្រធានក្រុម Barca បានប្រើប្រាស់បណ្តាញសង្គមដើម្បីតបតនឹងពាក្យចចាមអារាមដែលទាក់ទងនឹងខ្លួនគាត់។
នៅលើបណ្តាញសង្គម Instagram Messi បានបញ្ចេញកំហឹងចំពោះព័ត៌មានពីកាសែត TNT Sports LA ។ កាសែតនេះនេះបានចុះផ្សាយថាប្រធានក្រុម Barcelona នឹងចាកចេញពីក្លឹបដោយឥតគិតថ្លៃនៅរដូវក្តៅនេះ ជាមួយនឹងកន្លែងឈរជើងថ្មីគឺ Inter Milan ។
បើយោងតាម TNT Sports LA បានឱ្យដឹងថា Messi ខ្លួនឯងទើបតែបានផ្តល់ប្រាក់ធានាចំនួន ១,៦ លានដុល្លារដល់អតីតមិត្តរួមក្រុម Ronaldinho ត្រូវបានដោះលែងពីពន្ធនាគារនៅប៉ារ៉ាហ្គាយបន្ទាប់ពីត្រូវបានឃុំខ្លួនអស់រយៈពេល ៣២ ថ្ងៃដោយប្រើប្រាស់លិខិតឆ្លងដែនក្លែងក្លាយចូលប្រទេសនេះ។
Messi បានបញ្ជាក់នៅលើ Instagram ជាមួយអ្នកគាំទ្ររបស់គាត់ចំនួន ១៤៧ លាននាក់។ តាមខ្លឹមសាររបស់ TNT Sports LA ដែលបានចុះផ្សាយ៖ ព័ត៌មានក្លែងក្លាយ! Messi ទៅ Inter Milan៖ ព័ត៌មានក្លែងក្លាយទី១។ Messi ចំណាយប្រាក់ធានា Ronaldinho៖ ព័ត៌មានក្លែងក្លាយទី ២ ។
បន្ទាប់មក M10 បានបន្ថែមថា“ អ្វីដែលពួកគេបាននិយាយអំពី Newell’s Old Boys កាលពីប៉ុន្មានសប្តាហ៍មុនក៏ជាការកុហកដែរ។ អរគុណព្រះ ដែលគ្មានអ្នកណាជឿពួកគេ … ” ។
រហូតមកដល់ពេលនេះ Messi កម្រនិយាយជាសាធារណៈ នូវព័ត៌មានដែលចុះផ្សាយអំពីគាត់ណាស់។ ប៉ុន្តែចាប់តាំងពីដើមឆ្នាំមក គាត់ត្រូវប្រើបណ្តាញសង្គមចំនួន ៣ដង ដើម្បីបង្ហាញអាកប្បកិរិយារបស់គាត់ ឲ្យ បានច្បាស់លាស់។
មុននេះ ក្នុងខែកុម្ភះ Messi បានបើកនិយាយជាសាធារណៈទៅលើនាយកបាល់ទាត់ Abidal បន្ទាប់ពីសំដីរបស់អតីតកីឡាករបារាំងនៅចំពោះមុខសារព័ត៌មានដោយបញ្ជាក់យ៉ាងច្បាស់ថាកីឡាករ Barca គឺជាហេតុផលដែលគ្រូបង្វឹក Valverde ត្រូវបណ្តេញចេញ។
ជាលើកទី ២ Messi បានទះកំផ្លៀងសមាជិកក្រុមប្រឹក្សាភិបាលដោយសារការជជែកវែកញែកថាកីឡាកររបស់ Barca មិនចង់លេងនៅសល់នៃរដូវកាលដោយកាត់បន្ថយប្រាក់ខែ ៧០% របស់ពួកគាត់ដើម្បី“ ជួយសង្គ្រោះ” Barca ពេលមានវិបត្តិដោយ Covid- ១៩ ។
ការពិតដែល Messi ត្រូវតែចេញមុខក្នុងបណ្តាញសង្គមដើម្បីនិយាយអំពីអ្វីដែលជា“ ផ្ទៃក្នុង” របស់ Barca បានបង្ហាញពីអស្ថិរភាពនៅក្នុងក្រុមនេះ។ ប៉ុន្តែនៅតែជឿជាក់ថា M10 នឹងបន្តនៅជាប់នឹង Nou Camp ។
