នាយករដ្ឋមន្ត្រីប្រទេសអង់គ្លេស លោក Boris Johnson បានធ្វើការប្រកាសជាសាធារណៈនៅក្នុងថ្ងៃនេះថា គម្រោងឲ្យអ្នកគាំទ្រចូលទៅទស្សនាដោយផ្ទាល់ក្នុងទីលានកីឡាទាំងអស់ចាប់ពីថ្ងៃទី០១ ខែតុលា ឆ្នាំ២០២០ នឹងត្រូវពន្យារពេល។
មូលហេតុដែលលោកសម្រេចបែបនេះ ដោយសារតែនៅក្នុងខែនេះ ស្ថានភាពកូវីដ-១៩ នៅក្នុងប្រទេសមួយនេះមានការកើនឡើងគួរឲ្យព្រួយបារម្ភ ដែលតម្រូវឲ្យមានការអនុវត្តន៍វិធានការណ៍ទប់ស្កាត់ឲ្យតឹងរឹង ឡើងវិញ។
លោកក៏បានថ្លែងថា វិធានការណ៍ទប់ស្កាត់ជំងឺកូវីដ-១៩ខាងលើនឹងត្រូវដាក់អនុវត្តន៍នៅក្នុងប្រទេសអង់គ្លេស ៦ខែតទៅមុខទៀត។
គួរបញ្ជាក់ផងដែរថា គិតមកទល់នឹងពេលនេះប្រទេសអង់គ្លេសមានអ្នកឆ្លងជំងឺកូវីដសរុបជាង ៤សែននាក់ និងអ្នកស្លាប់ជាង៤,២០០នាក់៕
