តើពិធីប្រគល់ពានរង្វាន់បាល់មាស Ballon d’Or ឆ្នាំ ២០២១ ធ្វើឡើងនៅថ្ងៃណា និងម៉ោងប៉ុន្មាន គឺជាសំណួរដែលអ្នកគាំទ្របាល់ទាត់ជាច្រើនចាប់អារម្មណ៍។
បន្ទាប់ពីរយៈពេល ១ឆ្នាំ ពានរង្វាន់មួយនេះត្រូវបានលុបចោល ដោយសារផលប៉ះពាល់នៃជំងឺរាតត្បាត COVID-19 ការប្រកួតប្រជែងដើម្បីឈ្នះពានរង្វាន់បាល់មាសឆ្នាំ ២០២១ ចាប់ផ្តើមមានសាជាថ្មីម្តងទៀត។ នៅពេលនេះ Lionel Messi ត្រូវបានគេចាត់ទុកថាជាបេក្ខភាពល្អបំផុតសម្រាប់ពានរង្វាន់បាល់មាសឆ្នាំ ២០២១។
យោងតាម Marca ចាប់តាំងពីដើមឆ្នាំ ២០២១ រហូតមកដល់ពេលនេះ El Pulga បានលេងសរុបចំនួន ៤៧ប្រកួត ស៊ុតបញ្ចូលទីបាន ៣៨ គ្រាប់ និង បញ្ចូលបាល់ (assists) ១៤ ដង បានឈ្នះពានរង្វាន់ Player of the Match ចំនួន ២៦លើក។
ទោះបីជាមិនអាចឈ្នះពានជើងឯក La Liga ក៏ដោយ ក៏ប៉ុន្តែកាលពីរដូវកាលមុន Messi បានឈ្នះពានរង្វាន់អ្នកស៊ុតបញ្ចូលទីច្រើនជាងគេរបស់ La Liga និងបានឈ្នះពានរង្វាន់ King’s Cup របស់អេស្ប៉ាញទៀតផង។
រដូវក្តៅនេះ El Pulga បានឈ្នះពានរង្វាន់ Copa America ជាមួយក្រុមអាហ្សង់ទីន ហើយក៏បានឈ្នះពានរង្វាន់សំខាន់ៗចំនួនពីរផ្សេងទៀតផងដែរគឺកីឡាករឆ្នើមប្រចាំឆ្នាំ និងកីឡាករស៊ុតបញ្ចូលទីច្រើនជាងគេ។
គូប្រជែងរបស់ Messi មាន Roberts Lewandowski (Bayern Munich), Kylian Mbappe (PSG), N’Golo Kanté (Chelsea), Cristiano Ronaldo (Juventus បច្ចុប្បន្ន Man Utd), Kevin de Bruyne (Man City) និងជាពិសេស Jorginho (Chelsea)។
ក្នុងរដូវកាល 2020/21 Jorginho បានឈ្នះពានរង្វាន់ដ៏មានកិត្យានុភាពបំផុតដែលគ្មានកីឡាករណាអាចផ្គូផ្គងបាន។ ខ្សែបម្រើវ័យ ២៩ ឆ្នាំរូបនេះបានឈ្នះពានរង្វាន់ Champions League ជាមួយ Chelsea មុនពេលចូលរួមចំណែកយ៉ាងធំធេងក្នុងការនាំក្រុមអ៊ីតាលីទទួលបានជ័យជម្នះនៅ EURO 2021 ។
ដូចដែលបានគ្រោងទុក នៅខែតុលា France Football នឹងប្រកាសបញ្ជីឈ្មោះបេក្ខជនចំនួន ៣០ នាក់ ដោយផ្អែកលើលទ្ធផលការងាររបស់កីឡាករកាលពីឆ្នាំមុន។ ពិធីប្រគល់ពានរង្វាន់បាល់មាសឆ្នាំ ២០២១ គ្រោងនឹងប្រព្រឹត្តទៅនៅម៉ោង ០០:៣០ (ម៉ោងនៅកម្ពុជា) នៅថ្ងៃទី ៣០ ខែវិច្ឆិកា នៅរោងមហោស្រព Châtelet ទីក្រុងប៉ារីស (ប្រទេសបារាំង)។
ដោយសារតែការលុបចោល Ballon d’Or ឆ្នាំ ២០២០ Messi គឺជាកីឡាករមានសង្ឈឹមខ្ពស់បំផុតក្នុងការឈ្នះពានដ៏អស្ចារ្យនេះ។ ក្នុងអំឡុងពេលអាជីពដ៏រុងរឿងរបស់គាត់ កំពូលតារាអាហ្សង់ទីនមានបាល់មាសសរុបចំនួន ៦ ដែលច្រើនជាង Cristiano Ronaldo ចំនួន១បាល់មាស ។
