ការបរាជ័យខាងសេដ្ឋកិច្ចដោយសារជំងឺរាតត្បាត COVID-19
Cristiano Ronaldo បានចូលរួមជាមួយក្លឹប Juventus នៅឆ្នាំ ២០១៨ បន្ទាប់ពីទទួលបានជោគជ័យ ៩ ឆ្នាំនៅឯក្លឹប Real Madrid ។ ដោយបានបង្កើតនូវជោគជ័យបំផុតមួយនៅក្នុងប្រវត្តិសាស្រ្តបាល់ទាត់។ CR7 នៅតែជាតារាដែលមានតំលៃថ្លៃនៅពេលដែល Juventus ស្វាគមន៍គាត់ហើយក្លឹបទូរីនបានចំណាយប្រាក់យ៉ាងច្រើនដើម្បីទទួលយកបានរូបគេកាលពីឆ្នាំ២០១៨។ ទោះជាយ៉ាងណាក៏ដោយថ្មីៗនេះប្រព័ន្ធផ្សព្វផ្សាយអ៊ីតាលីបានលើកឡើងថាវាហាក់ដូចជាឥទ្ធិពលសេដ្ឋកិច្ចវិជ្ជមានពីការទិញរបស់CR7 ឥឡូវនេះបានបាត់ទៅហើយសម្រាប់ក្រុមសេះបង្កង់ Juventus ។
Ronaldo បានមកដល់ទីក្រុងទូរីនកាលពីថ្ងៃទី ១៣ ខែកក្កដាឆ្នាំ ២០១៨ និងប៉ុន្មានថ្ងៃមុននោះនៅពេលដែលកិច្ចព្រមព្រៀងត្រូវបានបង្ហាញជាសាធារណៈតម្លៃភាគហ៊ុនគឺ ០,៦៦ អឺរ៉ូ។ នៅពេលរដូវកាល Serie A ឆ្នាំ ២០១៨/១៩ បានចាប់ផ្តើមតម្លៃបានឡើងដល់ ១,៦៧ អឺរ៉ូមុនពេលធ្លាក់ចុះមួយខែបន្ទាប់ពីការចាប់ផ្តើមលិចឮព័ត៌មានអំពីករណីរំលោភររបស់ Ronaldo។
តម្លៃភាគហ៊ុនរបស់ Juventus ក្រោយមកឡើងដល់ ១,៧ អឺរ៉ូមុនពេលដែលក្លឹបត្រូវបានជម្រុះនៅ Champions League វគ្គ ៨ ក្រុមចុងក្រោយកាលពីរដូវកាលមុន ក្រោមការដឹកនាំរបស់ Ajax បណ្តាលឱ្យតម្លៃធ្លាក់ចុះ ២៤% ។ តម្លៃមានស្ថេរភាពនៅរដូវកាលនេះហើយមានតម្លៃ ០,៧១ អឺរ៉ូមុនពេលការរីករាលដាលនៃជំងឺ Covid-១៩ បានកើតឡើងនិងធ្លាក់ចុះមកនៅត្រឹម ០,៥៤ អឺរ៉ូ /តម្លៃភាគហ៊ុនគឺទាបជាងមុនពេលដែលរ៉ូណាល់ដូមកដល់។ ស្ថានភាពជំងឺរីករាលដាលនៅក្នុងប្រទេសអ៊ីតាលីថ អាចនឹងធ្វើឲ្យ ភាគហ៊ុនរបស់ក្លឹប Juventus កាន់តែទាបជាងមុនដោយសារតែសកម្មភាពបាល់ទាត់ត្រូវបានពន្យារពេលដោយគ្មានកំណត់។
សារព័ត៌មានអ៊ីតាលីថ្មីៗនេះបានលើកឡើងពីលទ្ធភាពដែលថា Ronaldo អាចត្រូវបានលក់ដោយក្លឹប Juventus ប្រសិនបើគាត់មិនអាចមានលទ្ធភាពខាងសេដ្ឋកិច្ច។ Ronaldo មិនត្រឹមតែចំណាយ ១០០ លានផោនក្នុងរដូវក្តៅឆ្នាំ ២០១៨ ប៉ុណ្ណោះទេប៉ុន្តែថែមទាំងទទួលបានប្រាក់ខែខ្ពស់បំផុតទាំងក្លឹបនិង Serie A ក្នុងតម្លៃ ៣០ លានអឺរ៉ូ / ឆ្នាំ។ អ្នករកចំណូលបានខ្ពស់ជាងគេលំដាប់ទី ២ នៅ Serie A គឺ Mathijs De Ligt ក៏មិនបានទទួលលើស ពី១០លានអឺរ៉ូដែរ។
តើ Ronaldo ចាកចេញ នឹងទៅកាន់ក្លឹបណាវិញ?
Sport Mediaset នៅប្រទេសអ៊ីតាលីថ្មីៗនេះបានធ្វើអត្ថាធិប្បាយអំពីលទ្ធភាពរ៉ូណាល់ដូដែលអាចចាកចេញពីទូរីន ហើយឥឡូវនេះមានតែគោលដៅពីរដែលអាចទៅរួចសម្រាប់កំពូលកីឡាករព័រទុយហ្កាល់។ គាត់នឹងទៅកាន់ទឹកដីបារាំងហើយចូលរួមជាមួយក្រុម Paris Saint-Germain ដែលមានតម្លៃថ្លៃណាស់ ឬក៏ត្រលប់មកវិញក្នុងការស្វាគមន៍យ៉ាងកក់ក្តៅពីអ្នកគាំទ្រ ក្រុមបីសាចក្រហម ។
យោងតាមគេហទំព័រ Sport Mediaset៖ មានតែក្លិបទាំងពីរនេះទេដែលមានប្រាក់គ្រប់គ្រាន់ក្នុងការបង់ថ្លៃយករ៉ូណាល់ដូ។ ក្រៅពីនេះពិតណាស់ បីសាចក្រហម មានគុណសម្បត្តិក្នុងការបង្វឹករ៉ូណាល់ដូជាកីឡាករឆ្នើមដល់ថ្ងៃនេះ ថ្ងៃដែលគាត់វិលត្រឡប់មក CR7 នឹងបង្កើតបានជាគំនិតសុទិដ្ឋិនិយមសម្រាប់កីឡាករ បីសាចក្រហម ។ ពួកគេមិនបានប្រកួតប្រជែងដណ្តើមពានរង្វាន់ Premier League អស់រយៈពេលជាយូរមកហើយហើយកំពូលកីឡាករឆ្នើមម្នាក់នឹងពង្រឹងទំនុកចិត្តលើកីឡាករវ័យក្មេងរបស់ Ole Gunnar Solskjaer ក្នុងគោលបំណងធំ។
PSG បានស្វាគមន៍កីឡាករចាស់ៗជាច្រើន (ប៉ុន្តែមិនចាស់ដូចរ៉ូណាល់ដូនៅពេលនេះទេ) ដូចជាដេវីតប៊ែកឃេម ឬ ហ្សេតដានអ៊ីប្រាហ៊ីម៉ូវីក ហើយពួកគេប្រាកដជាមានកម្លាំងចិត្តក្នុងការដណ្តើមពានរង្វាន់ឆេមពានលីគជាមួយកីឡាករជោគជ័យបំផុតម្នាក់នៅលើកីឡាដ្ឋាននេះ។ ។ លើសពីនេះទៅទៀត Neymar អាចនឹងវិលត្រឡប់មកកាន់ Barcelona វិញនៅរដូវកាលនេះហើយ Kylian Mbappe ក៏ពិបាកនឹងនៅជាប់ជាមួយក្រុមបាល់ទាត់បារាំងដែរ៕
