Man Utd បានបង់ប្រាក់ឲ្យ Sanchez ចំនួន ១,៣ លានដុល្លារ ថ្លៃស្មោះត្រង់

0
748

ទោះបីឲ្យខ្ជីទៅ Inter ក៏ដោយ Alexis Sanchez នៅតែទទួលបានថ្លៃឈ្នួលស្មោះត្រង់នៅពេលត្រឡប់ទៅ Man Utd វិញនៅខែកក្កដា។

Football Leaks បានបង្ហើបឱ្យដឹងថានៅក្នុងកិច្ចសន្យា ដែលបានចុះហត្ថលេខាកាលពីខែមករាឆ្នាំ ២០១៨ រវាង Man Utd និង Alexis Sanchez មានគោលការណ៍ដែលអនុញ្ញាតឱ្យកីឡាករសញ្ជាតិឈីលីរូបនេះ ទទួលបានប្រាក់ជាប្រចាំរដូវកាល ១,៣ លានដុល្លារពីក្លឹប។

ដោយសារនៅជាប់កុងត្រាកិច្ចសន្យាជាមួយ Man Utd Sanchez នៅតែទទួលបានប្រាក់នៅពេលគាត់វិលត្រឡប់ទៅទឹកដី Old Trafford វិញនៅខែកក្កដានេះ ជាថ្លៃឈ្នួលស្មោះត្រង់បន្ថែមពីលើប្រាក់ខែប្រចាំសប្តាហ៍ចំនួន ៤៦៥,០០០ ដុល្លារ និង ប្រាក់រង្វាន់ ៩២,០០០ ដុល្លារសម្រាប់រាល់ក្រុមដំបូង។

ប្រភពពី Old Trafford បាននិយាយថា“ អ្នករាល់គ្នានៅ Man Utd តែងតែដឹងអំពីប្រាក់ខែ និង ប្រាក់រង្វាន់របស់ Sanchez” ។ គាត់មិនមានទម្រង់លេងល្អទេនៅអ៊ីតាលី ប៉ុន្តែ Inter កំពុងគាំទ្រប្រាក់ខែពាក់កណ្តាលរបស់ Sanchez ។ ទោះយ៉ាងណារបាយការណ៍ថ្មីៗនេះបានបង្ហាញថា Inter មិនចង់ចុះកុងត្រាទិញ ឬ ខ្ចី Sanchez ទៀតទេ។

នៅដើមឆ្នាំ ២០២០ លោក Ole Gunnar Solskjaer បានប្រកាសផែនការប្រើប្រាស់ Sanchez ពីរដូវកាល ២០២០-២០២១ ។ គ្រូបង្វឹកសញ្ជាតិន័រវេសជឿជាក់ថាបទពិសោធន៍របស់អតីតកីឡាកររបស់ក្រុម Arsenal រូបនេះ ពិតជាមានប្រយោជន៍សម្រាប់ Man Utd ទោះបីជារូបគេរកបានត្រឹមតែ ៣គ្រាប់ សម្រាប់“ បីសាចក្រហម” ក្នុងលីគអង់គ្លេសក៏ដោយ។

នៅទឹកដី Inter Sanchez រកបានតែ១គ្រាប់ប៉ុណ្ណោះ បន្ទាប់ពីបង្ហាញខ្លួនបាន ១៥ ប្រកួត។ បន្ទាប់ពីការចាប់ផ្តើមលេងមិនសូវជាបានលទ្ធផលល្អប្រសើរ កីឡាករជនជាតិឈីលីរូបនេះ បានរងរបួសកជើង។

កុងត្រារបស់ Sanchez ជាមួយ Man Utd នៅតែ ២ ឆ្នាំទៀតតែប៉ុណ្ណោះ។ សរុបទៅខ្សែប្រយុទ្ធវ័យ ៣១ ឆ្នាំបានរកលុយបាន ៦២៥,០០០ ដុល្លារក្នុងមួយសប្តាហ៍ដែលជាចំនួនខ្ពស់បំផុតនៅ Premier League៕