Man Utd មានបញ្ជីបេក្ខភាពគ្រូបង្វឹក៤រូប ដើម្បីជំនួសតំណែង Solskjaer
ក្រុមបីសាចក្រហម MU មានបេក្ខភាពចំនួន៤រូប ដើម្បីជំនួសតំណែងលោក Ole Gunnar Solskjaer ប្រសិនបើក្លឹបសម្រេចចិត្តបណ្តេញគ្រូបង្វឹករូបនេះចេញ ក្នុងនោះរួមទាំងលោក Antonio Conte និង Zinedine Zidane ផងដែរ។
រហូតមកដល់ពេលនេះ ថ្នាក់ដឹកនាំរបស់ MU តែងតែគាំទ្រ Solskjaer ប៉ុន្តែនៅពេលនេះ វាគឺជាហានិភ័យដ៏ធំមួយ។ ទំនុកចិត្តលើគ្រូបង្វឹកសញ្ជាតិន័រវេស ហាក់ដូចជាបានធ្លាក់ចុះដល់កម្រិតទាបបំផុត បន្ទាប់ពីក្រុមបិសាចក្រហមបានបរាជ័យចំពោះក្រុម Liverpool លើទឹកដីរបស់ខ្លួនកាលពីចុងសប្តាហ៍មុនក្នុងលទ្ធផល ៥ ទាល់នឹង០។
យោងតាមគេហទំព័រ The Sun ថ្នាក់ដឹកនាំក្រុមបីសាចក្រហមកំពុងមានបញ្ជីឈ្មោះបេក្ខជនចំនួន ៤រូប ដើម្បីជំនួសឱ្យលោក Solskjaer ក្នុងករណីដែលក្លឹបសម្រេចចិត្តបណ្តេញចេញ។ ក្នុងចំណោមនោះរួមមាន Zinedine Zidane និង Antonio Conte ។
ទោះជាយ៉ាងណាក៏ដោយ សំណួរគឺថាតើអតីតអ្នកចាត់ការ Real Madrid និង Chelsea ចាប់អារម្មណ៍ការងារនៅ Old Trafford ដែរឬទេ?
លើសពីនេះ Erik Ten Hag របស់ Ajax និង Brendan Rodgers របស់ Leicester ដែលជាអតីតអ្នកចាត់ការ Liverpool ក៏មាននៅក្នុងបញ្ជីផងដែរ។
នាយករងប្រតិបត្តិ Ed Woodward តែងតែគាំទ្រ Solskjaer នៅពេលបង្កើតផែនការរយៈពេលវែងជាគ្រូបង្វឹកសញ្ជាតិន័រវេសក្នុងតួនាទីជាអ្នកស្នងតំណែងរបស់លោក Jose Mourinho ។ ប៉ុន្តែសម្ពាធលើសមិទ្ធិផលក៏ដូចជាពីអ្នកគាំទ្រគឺធ្ងន់ខ្លាំងណាស់សម្រាប់លោក Solskjaer ។
ទោះបីជាបានវិនិយោគច្រើនជាង 130 លានផោនសម្រាប់ Cristiano Ronaldo, Jadon Sancho និង Raphael Varane នៅរដូវក្តៅក៏ដោយក៏ MU នៅតែស្ថិតក្នុងចំណាត់ថ្នាក់លេខ 7 ក្នុងក្របខ័ណ្ឌ English Premier League ដោយមានតិចជាង ៨ពិន្ទុនៃក្រុមកំពូលតារាង Chelsea ។ ក្នុងការប្រកួត 4 ជុំចុងក្រោយ ពួកគេទទួលបានត្រឹមតែ 1/12 ពិន្ទុអតិបរមា។
ក្នុងចំណោមបេក្ខភាពដែលបានលើកឡើងខាងលើ ទាំង Zidane និង Conte បច្ចុប្បន្នមិនដឹកនាំក្លឹបណាមួយឡើយ។ អ្នកយុទ្ធសាស្រ្តជនជាតិបារាំងធ្លាប់ក្លាយជាគ្រូបង្វឹកដំបូងគេដែលឈ្នះជើងឯក Champions League 3 ដងជាប់គ្នាជាមួយ Real Madrid ។
ចំណែកលោក Conte បានដឹកនាំ Chelsea ឈ្នះជើងឯក Premier League ឆ្នាំ 2016/17 ដោយបង្កើតកំណត់ត្រាឈ្នះច្រើនជាងគេ (30) និងឈ្នះពាន FA Cup នៅរដូវកាលបន្ទាប់ផងដែរ៕
