Manchester United ជាក្លឹបចំណាស់មួយដែលធ្លាប់មានប្រវត្តិជោគជ័យខ្លាំងក្នុងពិភពបាល់ទាត់ ក៏ដូចជាមានកីឡាករលំដាប់ៗជាច្រើនមកប្រមូលផ្តុំគ្នាក្នុងក្លឹបមួយនេះ ដែលបានធ្វើឲ្យបណ្តាអ្នកគាំទ្រពាសពេញពិភពលោកអត់ទ្រាំមិនគាំទ្រមិនបាន ក៏ព្រោះតែកិត្តិនាម និងកេរ្តិ៍ឈ្មោះដ៏ល្បីរន្ទឺរបស់ក្លឹបមួយនេះពីមួយជំនាន់ទៅមួយជំនាន់។
មកដល់រជ្ជកាលថ្មីនេះ កីឡាករសញ្ជាតិប័រទុយហ្គាល់ Bruno Fernandes អាចចាត់ទុកបានថាជាកីឡាករនាំសំណាងមួយរូប ក្នុងការមកជួយស្រោចស្រង់ក្លឹបដែលកំពុងតែត្រដាបត្រដួស និងខំប្រឹងស្រវេស្រវាឡើងឈរ Top 4 ក្នុងកំពូលតារាង ខណៈដែលក្នុងប៉ុន្មានប្រកួតចុងក្រោយដែលមាន Bruno Fernandes ក្លឹបបិសាចក្រហម Man Utd តែងទទួលជ័យជម្នះជានិច្ច ប៉ុន្តែព្យុះភ្លៀងដែល Bruno Fernandes បានធ្វើត្រូវបានស្ងប់ស្ងាត់ទៅវិញ ក្រោយមានការមកដល់នៃ Covid-19 ដែលបានធ្វើឲ្យការប្រកួតទាំងអស់ត្រូវជាប់គាំង។
ហើយខាងក្រោមនេះជាបញ្ជីជម្រើសកំពូលកីឡាករទាំង១១នាក់ដែលធ្លាប់បានធ្វើព្យុះភ្លៀងខ្លាំងជាមួយ Man Utd ក្នុងរជ្ជកាលដែល Man Utd ជោគជ័យបំផុត៖
១. Peter Schmeichel (អ្នកចាំទី)
២. Antonio Valencia (ខ្សែការពារខាងស្តាំ)
៣. Nemanja Vidic (ខ្សែការពារកណ្តាល)
៤. Ronny Johnsen (ខ្សែការពារកណ្តាល)
៥. Patrice Evra (ខ្សែការពារឆ្វេង)
៦. Cristiano Ronaldo (ខ្សែបម្រើស្លាបឆ្វេង)
៧. Roy Keane (ខ្សែបម្រើកណ្តាល)
៨. Park Ji-sung (ខ្សែបម្រើកណ្តាល)
៩. Ryan Giggs (ខ្សែបម្រើស្លាបស្លាំ)
១០. Wayne Rooney (ខ្សែប្រយុទ្ធ)
១១. Ruud van Nistelrooy (ខ្សែប្រយុទ្ធ)
