Cristiano Ronaldo គឺជាខ្សែប្រយុទ្ធដ៏ល្បីល្បាញមួយរូបក្នុងពិភពលោក ប៉ុន្តែភាពចម្រូងចម្រាសកំពុងផ្ទុះឡើងថាតើកីឡាកររូបនេះបានស៊ុតបញ្ចូលទីបានចំនួន ៧៩៩ ឬ ៨០០ គ្រាប់ក្នុងអាជីពរបស់ខ្លួន។
បន្ទាប់ពីគ្រាប់បាល់ស៊ុតបញ្ចូលទីទល់នឹង Villarreal នៅពាក់កណ្តាលសប្តាហ៍ Ronaldo មាន៨០០លើក ដើម្បីទម្លុះសំណាញ់ទីគូប្រកួត។ ទោះជាយ៉ាងណាក៏ដោយ Man Utd គិតថាកីឡាកររបស់ខ្លួនរកបានត្រឹមតែ ៧៩៩ គ្រាប់តែប៉ុណ្ណោះ។
ដើម្បីស្វែងរកដំណោះស្រាយចំពោះភាពចម្រូងចម្រាសខាងលើ សូមត្រលប់ទៅមើលរដូវកាល ២០១០/១១ វិញ។ ក្នុងអំឡុងពេលធ្វើដំណើរទៅកាន់កីឡដ្ឋាន Anoeta របស់ Real Sociedad គឺ Ronaldo ពេលនេះលេងឱ្យក្រុម Real Madrid ហើយបានស៊ុតបាល់ហ្វ្រីឃីក ដោយទទួលបានជ័យជម្នះ ២-១ ។
ទោះជាយ៉ាងណាក៏ដោយ ពេលក្រឡេកមើលស្ថានភាពនោះវិញ គេអាចមើលឃើញថា បាល់ចេញពីជើងរបស់ Ronaldo រួចទៅប៉ះជាមួយ Pepe ហើយបានប្តូរទិសដៅ ហើយបានចូលទៅក្នុងសំណាញ់ទី។
Juan Castro អ្នកយកព័ត៌មានរបស់ Marca បានប្រាប់ Esto ថា «ជាក់ស្តែងបាល់បានបុក Pepe ហើយបានចូលទៅក្នុងសំណាញ់ យើងបានយល់ព្រមថាគ្រាប់បាល់នោះជារបស់ Ronaldo ប៉ុន្តែគ្រប់គ្នាគិតថាគ្រាប់បាល់នោះជារបស់ Pepe» ។
Pepe ក៏បានក៏បានទទួលស្គាល់ថាគ្រាប់បាល់នោះជារបស់ ព្រោះ Ronaldo ជាអ្នកដែលបានទាត់បាល់ហ្វ្រីឃីកនេះ។ នៅចុងបញ្ចប់នៃរដូវកាល ២០១០/១១ គ្រាប់បាល់របស់ខ្សែប្រយុទ្ធសញ្ជាតិព័រទុយហ្គាល់ទាល់នឹង Sociedad នៅតែត្រូវបានគេទទួលស្គាល់។
ក្នុងចំណោម ៨០០ គ្រាប់ដែល Ronaldo បានស៊ុតបញ្ចូលទីនោះ គឺមាន ១១៧ គ្រាប់ដែលបានស៊ុតក្រៅតំបន់គ្រោះថ្នាក់ និង ៦៨៣ គ្រាប់ពីក្នុងតំបន់គ្រោះថ្នាក់។ CR7 រកបាន ៥០៨ គ្រាប់ដោយជើងស្តាំ ១៤៩ គ្រាប់ដោយជើងឆ្វេង និង ១៤០គ្រាប់ជាមួយនឹងការតែតដោយក្បាល។
តង់ទី ២ គឺជារយៈពេលស៊ុតបាល់បញ្ចូលទីដែល Ronaldo ពេញចិត្តបំផុត គឺស្មើនឹង ៥៥% នៃគ្រាប់បាល់ស៊ុតបញ្ចូលទី ៤៣% ស៊ុតបញ្ចូលទីក្នុងតង់ទី១ និងមាន ៦លើកក្នុងម៉ោងបន្ដែម គឺមានចំនួន ២% ។
បន្ទាប់ពីការបង្ហាញខ្លួនចំនួន ១០៩៥ លើក Ronaldo ស៊ុតhat-trickបាន ៥៨ លើក ហ្វ្រីឃីក ៥៧លើក និងស៊ុតបាល់ប៉េណាល់ទីបាន ១៤១លើក៕
