Victor Valdes ត្រូវបានពិភពបាល់ទាត់ចងចាំថា ជាអ្នកចាំទីល្អបំផុតមួយក្នុងពិភពបាល់ទាត់កាលប្រកបអាជីពជាច្រើនឆ្នាំជាមួយ Barcelona។
អ្នកចាំទីដៃស្អិតសញ្ជាតិអេស្ប៉ាញបានឈ្នះគ្រប់ពានទាំងអស់ជាមួយក្លឹបយក្ស កាតាឡាន់ ប៉ុន្តែ ទាំងមេដាយ និងពានផ្ទាល់ខ្លួនផ្សេងៗ មិនត្រូវបានរូបគេដាក់តាំងបង្ហាញលើជញ្ជាំងនោះទេ។ Valdes បង្ហើបថារបស់តែមួយគត់ដែលគាត់ ស្រឡាញ់បំផុតគឺ អាវដែលពាក់កាលប៉ះជាមួយ Arsenal ។
បុរសវ័យ៣៨ឆ្នាំនេះឲ្យដឹងថាអាវនោះ គឺគេបានពាក់ពេលលេងវគ្គផ្ដាច់ព្រ័ត្រ Champions League នៅបារាំងហើយបានយកឈ្នះ Arsenal 2-1 នៅបារាំងឆ្នាំ២០០៦។ វាគឺជាវត្ថុអនុស្សាវរីយ៍ និងការចងចាំដែលមិនអាចបំភ្លេចបាន៕
