– Chelsea អាចបោះលុយលើ Declan Rice បន្ទាប់ពី West Ham បានទុកលទ្ធភាពលក់ខ្សែបម្រើវ័យក្មេងអង់គ្លេសនៅរដូវក្តៅខាងមុខនេះ។
West Ham កំពុងរៀបចំផែនការបោសសម្អាតក្រុមហើយអាចនឹងត្រូវលក់ Declan Rice ដើម្បីថ្លឹងថ្លែងថវិកាផ្ទេរ។
ព័ត៌មាននេះកើតឡើងបន្ទាប់ពីលោក Declan Rice បានអត្ថាធិប្បាយត្រៀមខ្លួនវិលត្រឡប់ទៅ Chelsea វិញដើម្បីជួបជុំជាមួយអតីតមិត្តរួមក្រុមដូចជា Mason Mount ឬ Reece James ។
ផុសឡើងពីឆ្នាំ ២០១៧ Declan Rice ត្រូវបានអ្នកជំនាញចាត់ទុកថាជាខ្សែបម្រើកណ្តាលដែលមានសមត្ដភាពខ្ពស់។ ចាប់តាំងពីពេលនោះមកគាត់មានការប្រកួតច្រើនជាង ១០០ សម្រាប់ West Ham ។
ចន្លោះពីឆ្នាំ ២០០៦ ដល់ឆ្នាំ ២០១៤ លោក Rice បានវឹកហាត់ និងអភិវឌ្ឍនៅសាលាបាល់ទាត់ Chelsea ។ ដូច្នេះគាត់មានមិត្តភាពជិតស្និទ្ធជាមួយ Mason Mount ។
Declan Rice ក៏ស្ថិតនៅក្នុងការចាប់អារម្មណ៍របស់ MU ផងដែរនៅពេលដែល Solskjaer កំពុងស្វែងរកខ្សែបម្រើការពារដើម្បីជំនួស Nemanja Matic ។
ចំណែកឯ Chelsea វិញពួកគេអាចនឹងបាត់បង់ Jorginho ទៅ Juventus ដូវក្តៅនេះពេលកីឡាករអ៊ីតាលីរូបនេះ ចង់ធ្វើមាតុភូមិនិវត្តន៍ជាមួយអតីតគ្រូ Sarri របស់គាត់។
ប្រសិនបើនោះជាករណីពិតគ្រូបង្វឹកលោក Frank Lampard នឹងស្នើសុំអ្នកគ្រប់គ្រង ឲ្យ ចំណាយ ៧០ លានផោនដើម្បីនាំយក Declan Rice មកជំនួសកន្លែង។
