នៅក្នុងការបោះឆ្នោតថ្មីៗនេះ ផែនការបញ្ចប់រដូវកាល Serie A ឆ្នាំ ២០១៩/២០ ទទួលបានការយល់ព្រមដាច់ខាតពីអ្នកតំណាងក្លឹបបាល់ទាត់ទាំងអស់។
នៅព្រឹកថ្ងៃទី ១/៥ (ម៉ោងក្នុងស្រុក) តំណាង ២០ នាក់របស់ក្លឹបនៃក្របខ័ណ្ឌ Serie A មានការប្រជុំតាមប្រព័ន្ធអ៊ីនធឺណេតដើម្បីពិភាក្សាពីផែនការសំរេចនៅសល់រដូវកាល ២០១៩/២០ ។ អ្នកទាំងអស់បានបោះឆ្នោតគាំទ្រឲ្យបន្តមានការប្រកួត ហើយត្រៀមខ្លួនត្រឡប់មកវិញនៅពេលណាមួយ។
ក្រុមប្រឹក្សានៃអ្នកតំណាងក្លិបចំនួន ២០ ប្រជុំព្រឹកនេះបានបញ្ជាក់ជាផ្លូវការថា Serie A នឹងបញ្ចប់រដូវកាលដែលនៅសល់ ១០០% នៃសំលេងយល់ព្រមជាមួយការណ៍នេះ។
សេចក្តីប្រកាសព័ត៌មានរបស់សហព័ន្ធកីឡាបាល់ទាត់អ៊ីតាលី បាននិយាយថាប្រសិនបើរដ្ឋាភិបាលអនុញ្ញាត និងបទប្បញ្ញត្តិស្តីពីសុវត្ថិភាពសហគមន៍ត្រូវបានអនុវត្តយ៉ាងតឹងរ៉ឹងនោះ ការប្រកួតនឹងវិលត្រឡប់មកវិញ។
ការប្រណាំងសម្រាប់ Scudetto មិនទាន់ចប់នៅឡើយទេ។ ក្រុមសេះបង្កង់ Juventus ឈរនៅលើកំពូលតារាងដោយមាន ៦៣ ពិន្ទុ ឈរលើក្រុម Lazio តែ ១ ពិន្ទុប៉ុណ្ណោះ។ ទោះបីមានតែ ៥៤ ពិន្ទុក៏ដោយឱកាសដណ្តើមជើងឯកមិនទាន់បញ្ចប់សម្រាប់ក្រុម Inter Milan ឡើយ។ គ្រូបង្វឹក Conteនិងសិស្ស ត្រូវលេងជាមួយគូប្រកួតតិចជាង ២ ប្រកួតហើយការប្រកួតមាន ១២ ជុំដើម្បីបញ្ចប់៕
