កាសែត Sport ដែលមានមូលដ្ឋាននៅ Catalonia បានប្រតិកម្មយ៉ាងខ្លាំងចំពោះសេចក្តីថ្លែងការណ៍របស់អ្នកចាំទី Thibaut Courtois នៅលើកញ្ចក់ទូរទស្សន៍ទាក់ទងនឹងការប្រណាំងដើម្បីឈ្នះជើងឯក La Liga ។
Sport បាននិយាយថា “Courtois ហេតុអ្វីបានជាអ្នកមិនបិទមាត់?” ។ នៅក្នុងខ្លឹមសារកាសែតស្និទ្ធជាមួយ Barca បានរិះគន់ម្តងហើយម្តងទៀតទៅលើអ្នកចាំទីរបស់ក្រុម Real Madrid ហើយបានពណ៌នាតារាជនជាតិបែលហ្ស៊ិករូបនេះថា“ ត្អូញត្អែរ” ជារឿងមិនសមហេតុផល។
មុននេះ Courtois បាននិយាយថាក្នុងករណីរដូវកាល La Liga ឆ្នាំ ២០១៩/២០ មិនអាចបន្តទៀតបានទេអ្នករៀបចំគួរតែផ្តល់ងារជាជើងឯកដល់ Real ។ អតីតតារាឆ្នើមរបស់ក្រុមតោខៀវរូបនេះបាននិយាយថា “យើងលេងបានល្អជាង Barca ។ ដូច្នេះវាមិនយុត្តិធម៌ទេដែលផ្តល់ឱ្យពួកគេនូវជើងឯក។ Real មានត្រឹមតែ ២ ពិន្ទុប៉ុណ្ណោះនៅពីក្រោយ Barca ហើយយើងពិតជាមានឱកាសក្លាយជាម្ចាស់ជើងឯក” ។ ។
សេចក្តីថ្លែងការណ៍របស់ Courtoisនេះហើយ ដែលធ្វើឱ្យគាត់ត្រូវបានរិះគន់ដោយកាសែត Sport ។ បច្ចុប្បន្ន La Liga ត្រូវបានផ្អាកដោយសារជំងឺ covid 19 ។ បន្ទាប់ពីការប្រកួតចំនួន ២៧ ជុំ Barca បានឈរនៅលើកំពូលតារាងដោយមាន ៥៨ ពិន្ទុដោយមាន ២ ពិន្ទុច្រើនជាងគូប្រជែង។ អ្នករៀបចំមិនបានកំណត់កាលបរិច្ឆេទសម្រាប់ការប្រកួតវិលត្រឡប់នោះទេ។ ទោះយ៉ាងណាក្លឹបខ្លះកំពុងត្រៀមរងចាំកាលបរិច្ឆេទ ចេញជាថ្មី។
យោងតាម Sport បានអោយដឹងថា Barca សមនឹងទទួលបានជើងឯកលើ Real ក្នុងករណីដែលការប្រកួតមិនអាចបន្តទៅមុខទៀត។ គ្រូបង្វឹក Quique Setien តំណាងក្រុម Catalonia បាននិយាយថា“ ប្រសិនបើ La Liga មិនអាចវិលត្រឡប់មកវិញវាពិតជា logic ណាស់ក្នុងការផ្តល់ជើងឯកដល់ក្រុមនាំមុខ” ។
