ដូចដែលបានបង្ហាញដោយប្រធានសហព័ន្ធកីឡាបាល់ទាត់កូសូវ៉ូ ក្លឹបទាំងពីរនៅអង់គ្លេស និងអាឡឺម៉ង់ មានការយកចិត្តទុកដាក់យ៉ាងខ្លាំងចំពោះគោលដៅតែមួយ។
បើយោងតាមប្រធានសហព័ន្ធកីឡាបាល់ទាត់កូសូវ៉ូ Agim Amedi; ក្រុមហង្សក្រហម Liverpool និង RB Leipzig កំពុងយកចិត្តទុកដាក់យ៉ាងខ្លាំងចំពោះខ្សែបម្រើស្លាបរបស់ក្លឹប Werder Bremen គឺកីឡាករ Milot Rashica ។
តារាវ័យ ២៣ ឆ្នាំរូបនេះ ភាគច្រើនលេងស្លាបខាងឆ្វេង ឬលេងនៅពីក្រោយខ្សែប្រយុទ្ធដោត។ Milot Rashica បានរួមចំណែកចំនួន ១០ គ្រាប់ ក្នុងរាល់ការប្រកួតទាំងអស់នៅរដូវកាលនេះ ដល់ Werder Bremen ។ ថ្លែងនៅលើកញ្ចក់ទូរទស្សន៍ Syri TV, Agim Amedi បានមានប្រសាសន៍ថា៖
“មានក្លឹបមួយចំនួនដែលចាប់អារម្មណ៍លើគាត់។ ខ្ញុំស្គាល់ Liverpool នៅ Premier League, RB Leipzig នៅ Bundesliga ។ ខ្ញុំគិតថា Rashica នឹងពិចារណានូវអ្វីដែលជាការសម្រេចចិត្តដ៏ល្អបំផុតសម្រាប់អនាគតអាជីពបាល់ទាត់របស់គាត់” ។
Rashica បានចូលរួមជាមួយ Werder Bremen ពី Vitesse នៅខែមករាឆ្នាំ ២០១៨ ។ មកដល់ពេលនេះ Rashica រកបានចំនួន ២៣ គ្រាប់ ក្នុងការបង្ហាញខ្លួនចំនួន ៦៤លើក សម្រាប់ក្រុមអាល្លឺម៉ង់។ គាត់ក៏ធ្លាប់បានចូលរួមចំនួន ២៧លើក សម្រាប់ក្រុមជម្រើសជាតិកូសូវ៉ូផងដែរ។
យោងទៅតាមការព្យាករណ៍របស់អ្នកជំនាញ Rashica អាចក្លាយជាជម្រើសជំនួស Xherdan Shaqiri នៅ Liverpool ឬការបម្រុងទុកសម្រាប់អ្នកទាំងបីគឺ Mohamed Salah, Roberto Firmino và Sadio Mane ។
ទន្ទឹមនឹងនេះដែរ RB Leipzig ទំនងជានឹងជ្រើសរើស Rashica ក្នុងករណីដែលខ្សែប្រយុទ្ធ Timo Werner ចាកចេញនៅរដូវក្តៅនេះ។
ទោះយ៉ាងណាក៏ដោយ នៅក្នុងបរិបទនៃស្ថានភាពហិរញ្ញវត្ថុដែលរងផលប៉ះពាល់យ៉ាងធ្ងន់ធ្ងរដោយជំងឺរាតត្បាតរ៉ាំរ៉ៃ (COVID-19) ទាំង Liverpool និង RB Leipzig ត្រូវថ្លឹងថ្លែងចំណូល និងចំណាយរបស់ពួកគេមុនពេលពិចារណាលើជម្រើសដែលអាចធ្វើទៅបាននៅទីផ្សារដោះដូរកីឡាករ៕
