Real Madrid ត្រៀមជ្រើសរើសគូរ “ឃាតករ” មួយគូរគឺ Mauro Icardi និង Aubameyang ដោយចំណាយថវិកាសរុប ១០០ លានអឺរ៉ូ។
Real Madrid បានចាប់ផ្តើមហ្វឹកហាត់ឡើងវិញតាំងពីថ្ងៃច័ន្ទកន្លងមក ហើយគ្រូបង្វឹកលោក Zinedine Zidane ក៏មានការពិភាក្សាតាមអ៊ិនធឺណិតជាមួយប្រធាន Florentino Perez អំពីគម្រោងអនាគតរបស់ក្លិបផងដែរ។
ឥលូវនេះ បន្ថែមពីលើការរៀបចំខ្លួនសម្រាប់ការប្រជែងដណ្តើមជើងឯក La Liga ជាមួយ Barca នៅពេលដែលការប្រកួតត្រូវបានគេរំពឹងថានឹងវិលត្រឡប់មកវិញក្នុងរយៈពេលមួយខែទៀត លោក Zidane ក៏មានគម្រោងផ្ទេរ ឆ្ពោះទៅរដូវកាល ២០២០-២១ ផងដែរ។
ចំណុចលេចធ្លោមួយដែល Zidane មានគោលបំណងពង្រឹងខ្សែប្រយុទ្ធ ដោយសម្លឹងមើលឃើញគោលដៅទាំង២គឺ Mauro Icardi និង Pierre-Emerick Aubameyang ។
Diario Gol បានរាយការណ៍ថា Zidane ចង់បានទាំង Icardi និង Aubameyang ដើម្បីដោះស្រាយបញ្ហាសម្រាប់ខ្សែប្រយុទ្ធ។
រដូវកាលនេះ Real Madrid ពឹងផ្អែកខ្លាំងលើ Karim Benzema ។ Luka Jovic គឺជាការខកចិត្តដ៏ធំមួយ ខណៈដែល Mariano Diaz មានតែនៅលើកៅអីបម្រុងប៉ុណ្ណោះ។
Icardi ត្រូវបានក្លឹប PSG ខ្ចីជើងទៅ Inter ។ ប៉ុន្តែមិនយូរប៉ុន្មានក្រុមបាល់ទាត់រដ្ឋធានីប៉ារីសបានបញ្ជាក់ថាមិនគោរពតាមលក្ខខណ្ឌនៃការទិញខ្សែប្រយុទ្ធអាហ្សង់ទីនរូបនេះទេ។
Real Madrid បានចាប់អារម្មណ៍ជាយូរមកហើយលើ Icardi ។ ឥឡូវនេះគ្រូបង្វឹកលោក Zidane តម្រូវឱ្យលោកប្រធាន Perez បញ្ចប់គោលដៅដែលមានអាយុ ២៧ ឆ្នាំនេះ។
នៅខាង Aubameyang អតីតខ្សែប្រយុទ្ធរបស់ Dortmund បានស្នើសុំដោយបើកចំហឱ្យចាកចេញពីក្រុម Arsenal ដែលមិនអាចជួយឱ្យគាត់ឈ្នះពានរង្វាន់ហើយក៏មិនចូលរួមប្រកួតប្រជែងក្នុងក្របខ័ណ្ឌ Champions League ផងដែរ។
នៅចុងឆ្នាំនេះ Benzema អាយុ ៣៣ ឆ្នាំហើយ។ ដូច្នេះការទិញ Icardi និង Aubameyang គឺជាគម្រោងសំខាន់ណាស់សម្រាប់ Real Madrid ។
គ្រូបង្វឹក Zidane ចង់បង្វែង Aubameyang, Benzema និង Icardi នៅរដូវកាលក្រោយ។ ការបង្ហាញខ្សែប្រយុទ្ធទាំង ៣ ក្នុងពេលដំណាលគ្នាក៏ជាដំណោះស្រាយមួយដែលសន្យាថានឹងជ្រាបចូលរាល់ការការពារ៕
