ថ្មីៗនេះ មានដំណឹងថា សមាគមបាល់ទាត់លីគប្រទេសអេស្ប៉ាញ (RFEF) បានគិតទុកមុនរួចហើយជាមួយនឹងលក្ខខណ្ឌធំៗ ២ (យោងទៅតាមពិន្ទុការប្រកួត ២៧ សប្តាហ៍កន្លងមក) ប្រសិនបើលីគមិនអាចបញ្ចប់បាន ដូចខាងក្រោម៖
ទី ១៖ ក្រុមនៅតំបន់ Top 4 មានដូចជា (FC Barcelona, Real Madrid, Sevilla និង Real Sociedad) អាចមានសិទ្ធលើកពានលីគ (ពានចែកគ្នា) និងបានកៅអីលេង Champions League ស្វ័យប្រវត្តិ។
ទី ២៖ ក្រុមអាចលេងពាន Europa League មានដូចជា Getafe, Atletico Madrid, Athletic Bilbao (ដែលជាក្រុមបេក្ខភាពវគ្គផ្តាច់ព្រ័ត្រពាន Copa del Rey តាមឆ្នាំកន្លងមក មិនមែនក្រុម top 6 បច្ចុប្បន្ននោះទេ)។
បើទោះបីជាមាន សេណារ៉ូយូ បែបនេះក៏ពិតមែន ប៉ុន្តែគ្រប់យ៉ាងនៅត្រឹមជា គម្រោង។ ការសម្រេចចេញពី UEFA និងជំហានបន្ទាប់ៗទៀតយ៉ាងណានោះ កំពុងតែរង់ចាំមើលនៅឡើយ។
រំឭកផងដែរថា លីគអេស្ប៉ាញ បាន ផ្អាកត្រឹមសប្តាហ៍ទី ៣០ ខណៈដែលក្រុមកំពុងឈរកំពូលតារាងគឺ Barcelona ។ ចំណែកស្ថានភាពប្រទេសអេស្ប៉ាញ កំពុងតែរងគ្រោះដោយសារវីរុសកូវីដ ១៩ ខ្លាំងបំផុតលំដាប់ទី ២ បន្ទាំប់សហរដ្ឋអាមេរិក ពោលគឺ មានអ្នកឆ្ងង ១៨ មុឺននាក់ មានអ្នកស្លាប់ឡើងដល់ ១៩ ៣១៥ នាក់ (គិតត្រឹមថ្ងៃទី ១៧ ខែមេសា ២០២០)។
ដូច្នេះ សកម្មភាពប្រកួតបាល់ទាត់ ត្រូវបានបំភ្លេចចោលទៅហើយ មិនដឹងអាចចាប់ផ្តើមថ្ងៃណា បានឡើងវិញនោះទេ៕
