លោក Ole Gunnar Solskjaer មានទំនុកចិត្តខ្ពស់ណាស់ ថាក្រុម Manchester United នឹងចូលតំបន់ Top4 បានសម្រាប់រដូវកាលនេះ។
បិសាចក្រហម Manchester United មានទម្រង់លេងល្អមែនទែនសម្រាប់រដូវកាលនេះ ពោលគឺតាំងពីមានវត្តមានរបស់ Bruno មក។ បច្ចុប្បន្ននេះ ពួកគេមានកំណត់ត្រា១៧ប្រកួតមកហើយ មិនទាន់ស្គាល់ពាក្យថាចាញ់នោះទេ ហើយ៣ប្រកួតចុងក្រោយវិញរកបានគ្រាប់បាល់ចាប់ពី៣គ្រាប់ឡើងតែម្ដង។ សម្រាប់លទ្ធផលក្រុម Chelsea ចាញ់នៅយប់មិញទៀត នោះបិសាចក្រហម Man Utd កាន់តែមានឱកាសច្រើនមែនទែនហើយ។ ដោយ Man Utd ប្រកួតក្រោយប៉ះក្រុម Southampton បើសិនជាឈ្នះប្រកួតនេះ នោះពួកគេនឹងឡើងចូលទៅ Top4 បានហើយ។
សម្រាប់លទ្ធភាពនៃការចូលតំបន់អាចលេង UEFA Champions League នេះ លោក Ole មានជំនឿចិត្តខ្លាំងណាស់។ ដោយអ្នកចាត់ការវ័យក្មេងនេះ ជឿជាក់ថាវត្តមានរបស់កីឡាករក្មេងៗមានសមត្ថភាពរបស់លោកនឹងជួយក្រុមបានច្រើន ហើយសម្រេចក្ដីបំណងនេះមិនខាន។ ជាពិសេសវត្តមានរបស់ Bruno និង Pogba ដែលកំពុងលេងយល់ចិត្តគ្នាខ្លាំង៕
