លោកគ្រូបង្វឹក Ole Gunnar Solskjaer បានចេញមកការពារកូនក្រុមរបស់លោកគឺកីឡាករ Paul Pogba ដែលបានបង្កើតកំហុសឲ្យបាល់ប៉េណាល់ទីទៅ West Ham ដោយបានយកដៃទៅរងបាល់នៅក្នុងតំបន់គ្រោះថ្នាក់កាលពីយប់មិញ។
Solskjaer និយាយដូច្នេះ៖ វាជារឿងធម្មតាទេ នៅពេលដែលមានអ្វីមួយសំដៅមករកមុខ ប្រាកដណាស់យើងនឹងយកដៃទៅរងបែបនេះ។ ដូចគ្នាដែរកាលពីយប់មិញវាមិនមែនជាចេតនារបស់ Pogba នោះទេដែលយកដៃទៅរងបាល់បែបនេះ ក៏ព្រោះតែបាល់លឿនពេកដែលធ្វើឲ្យគេភ្ញាក់ប៉ុណ្ណោះ។
ដោយឡែកអតីតកីឡាករឆ្នើមរបស់ Manchester United លោក Gary Neville បានបកស្រាយផ្ទុយស្រឡះពីលោក Solskjaer៖
ខ្ញុំមិនយល់ថាហេតុអ្វីបានជា VAR ប្រើពេលយូរយ៉ាងនេះដើម្បីសម្រេចចិត្ត ជាក់ស្តែងមើលនឹងភ្នែកទទេក៏ដឹងថាកំហុសនេះជាបាល់ប៉េណាល់ទីដែរ។ Pogba បានយកដៃទៅរងបាល់ដើម្បីកុំឲ្យត្រូវមុខរបស់គេ ហើយការធ្វើបែបនេះវាពិតជាគួរឲ្យអាម៉ាស់ណាស់ក្នុងនាមជាកីឡាករអាជីពម្នាក់៕
