យោងតាមកាសែត Bild បានចុះផ្សាយថា បីសាចក្រហម ទើបតែដាក់ពាក្យស្នើអំពីតម្លៃថ្មីទៅកាន់ Dortmund ក្នុងការនាំយកតារាវ័យក្មេងសញ្ជាតិអង់គ្លេស គឺកីឡាករ Jadon Sancho។ តម្លៃថ្មីដែល ក្រុមបីសាចក្រហម បានដាក់ទៅនោះ គឺចំនួន ៨៩លានផោន។
ទោះបីជាយ៉ាងណាក៏ដោយ ក៏ក្លិបបាល់ទាត់អាល្លឺម៉ងមួយនេះ មិនបានយល់ព្រមនូវសំណើរអំពីតម្លៃថ្មីរបស់ ក្រុមបីសាចក្រហម ដែលបានដាក់មកនោះទេ ពោលគឺភាគី Dortmund នៅតែរក្សាតម្លៃដើម គឺចំនួន ១០៩លានផោន។
បំណាងប្រាថ្នារបស់គ្រូបង្វឹកក្រុមបីសាចក្រហម ហាត់ដូចជាមិនអាចក្លាយទៅជាការពិតបានឡើយ ព្រោះខាង Dortmund មិនមានចេតនាចង់ឲ្យ Jadon Sancho ចាកចេញពីក្លិបឡើយ។
សូមបញ្ចាក់ផងដែរថា Jadon Sancho គឺជាគោលដៅដ៏ធំបំផុស របស់ក្រុមបីសាចក្រហម ដែលចង់ប្រម៉ាញយកនៅក្នុងរដូវផ្ទេកីឡាករ នៅរដូវក្ដៅនេះ៕
