បីសាចក្រហម កំពុងពិចារណាសមត្ថភាពនាំយកខ្សែការពារកណ្ដាលរបស់ក្លិបបាល់ទាត់អេស្ប៉ាញ Villarreal គឺកីឡាករ Pau Torres មកកាន់ទឹកដី Old Trafford ដើម្បីពង្រឹងខ្សែការពារជួរមុខ។
កីឡាករសញ្ជាតិអេស្ប៉ាញ ដែលមានវ័យ២៣ឆ្នាំរូបនេះ ទើបតែបានឆ្លងកាត់នៅរដូវកាលមួយដ៏ជោគជ័យ ជាមួយការចូលរួមប្រកួតផ្ទាល់បានចំនួន ៣៦លើក បានន័យថាកីឡាកររូបនេះ ត្រូវបានអ្នកចាត់ការរបស់ក្លិប ដាក់ឱ្យចេញលេងនៅគ្រប់ការប្រកួតទាំងអស់ដែលក្លិបបានចូលរួម។ ក្នុងរដូវកាល ២០១៩/២០នេះ Pau Torres រកបានចំនួន ២គ្រាប់ និង Assist បានចំនួន ២លើក។
យោងតាមគេហទំព័រ Transfermarkt តម្លៃផ្ទេរបស់ Pau Torres បច្ចុប្បន្នមានតម្លៃចំនួន ៣០លានអឺរ៉ូ៕
