កាសែត The Sun បាននាំសម្ដីរបស់ ខ្សែបម្រើរបស់ក្លិប Aston Villa គឺកីឡាករ Jack Grealish ព្រួយបារម្ភអំពីតួនាទីរបស់គេ ដែលពិបាកក្នុងការប្រកួតប្រជែងជាមួយកីឡាករផ្សេងនៅក្នុងក្រុមបីសាចក្រហម ។ Jack Grealish គឺជាកីឡាករដែល គ្រូបបង្វឹក Solskjaer មានមោទនភាព និងចង់នាំយកមកបន្ថែមចូលក្នុងទម្រង់ក្រុមបីសាចក្រហមសព្វថ្ងៃ។
ខ្សែបម្រើរូបនេះ បានមកចូលរួមរស់ជាមួយ Aston Villa តាំងពីឆ្នាំ២០១៣មកម្លេះ។ Aston Villa ក៏បានប្រកាសអំពីតម្លៃផ្ទេររបស់កីឡាកររូបនេះទៅកាន់បីសាចក្រហមរួចហើយដែរ គឺមានតម្លៃរហូតដល់ ៨០លានផោនឯណោះ។ ក្រៅពីបីសាចក្រហម ក្លិបមេឃខៀវក៏មានបំណងចង់បានខ្សែបម្រើរូបនេះដែរ។ តាមសេចក្ដីសន្និដ្ឋានមួយ ថាបីសាចក្រហមអាចនឹងសម្រេចបាននូវកិច្ចសន្យាទិញយក Jack Grealish រហូតដល់ ៦៨%៕
