ក្រុមបិសាចក្រហមនៅរដូវកាលនេះ ហាក់ដូចជាស្ងប់ស្ងាត់ល្អណាស់ក្នុងរដូវកាលដោះដូរកីឡាករនេះ បើទោះជាដំណឹងថាទិញអ្នកនេះទិញអ្នកនោះ មានរហូតក៏ដោយ។
កត្ដាដែលមិនព្រមចំណាយប្រាក់ទិញកីឡាករថ្មីមករួមក្រុមនេះ ទំនងជាមិនអាចធ្វើឱ្យពួកគេប្រជែងពានរង្វាន់ជាមួយក្រុមដទៃទៀតបានឡើយ។ មិនត្រឹមតែមិនអាចប្រជែងពានបានទេ ពោលគឺសូម្បីតែចូលតំបន់ Top4 ក៏ពិបាកនឹងអាចធ្វើទៅបានផងដែរ ត្បិតអីក្រុមដទៃទៀតបានពង្រឹងសមត្ថភាពល្អមែនទែន។
ជាមួយរឿងនេះដែរ Fletcher អតីតខ្សែបម្រើ Man Utd បាននិយាយដែរថា៖ “យើងដឹងថាវានឹងពិបាកខ្លាំងណាស់សម្រាប់ Manchester United ក្នុងការទិញកីឡាករ តម្លៃខ្លួនពួកគេបានកើនឡើង ធ្វើឱ្យក្លឹបពិបាកក្នុងការចំណាយ។ តែការមិននាំចូលកីឡាករនេះ នឹងធ្វើឱ្យពួកគេពិបាកប្រជែងជាមួយក្រុមដទៃទៀតណាស់។ Man Utd ត្រូវការកីឡាករច្រើននាក់ទៀត ដើម្បីពង្រឹងសមត្ថភាពក្រុមបាន”៕
