ខ្សែបម្រើ លឹម ពិសុទ្ធ របស់ U23 កម្ពុជា មិនទាន់បានជាសះស្បើយពីរបួសទាន់ពេល ដើម្បីចូលរួមការប្រកួតក្នុងពានរង្វាន់ U23 អាស៊ីអាគ្នេយ៍។
បើតាមប្រភពពីសហព័ន្ធកីឡាបាល់ទាត់កម្ពុជា បានចុះផ្សាយនៅលើគេហទំព័រហ្វេសប៊ុកផ្លូវការរបស់ខ្លួនថា កីឡាករឆ្នើម លឹម ពិសិដ្ឋ មិនអាចជាសះស្បើយពីរបួសបានទេ ហើយនឹងអវត្តមានពីការប្រកួតពានរង្វាន់ U23 អាស៊ីអាគ្នេយ៍ ដែលធ្វើឡើងនៅកម្ពុជា។ នេះមិនមែនជាដំណឹងល្អសម្រាប់ក្រុមកម្ពុជានោះទេ ព្រោះកម្ពុជាកំពុងដាក់ថាមពល និងការប្តេជ្ញាចិត្តគ្រប់បែបយ៉ាងដើម្បីដណ្ដើមយកជើងឯកក្នុងពានរង្វាន់នេះ។
លឹម ពិសុទ្ធ កើតក្នុងឆ្នាំ ២០០១ ទេពកោសល្យរបស់កីឡាករនេះត្រូវបានបង្ហាញនៅក្នុងក្រុមយុវជនកម្ពុជា។ ហើយទោះបីជាមានអាយុត្រឹមតែ ២០ឆ្នាំក៏ដោយ ខ្សែបម្រើពាក់អាវលេខ ១៧ រូបនេះ បានដើរតួសំខាន់ក្នុងក្រុមជម្រើសជាតិរបស់កម្ពុជាក្នុងការប្រកួតធំៗដូចជា Asian Cup Qualifiers, World Cup Qualifiers និងថ្មីៗបំផុត AFF Cup 2021។
U23 អាស៊ីអាគ្នេយ៍ នឹងធ្វើឡើងនៅប្រទេសកម្ពុជា ចាប់ពីថ្ងៃទី ១៤ ដល់ថ្ងៃទី ២៦ ខែកុម្ភៈ។ ការប្រកួតដំបូងនៅតែប្រមូលផ្តុំក្រុមអាស៊ីអាគ្នេយ៍ទាំង១១ ប៉ុន្តែថ្មីៗនេះ ក្រុមការពារតំណែងជើងឯកឥណ្ឌូណេស៊ី ស្រាប់តែសុំដកខ្លួនវិញ ដោយសារស្ថានភាពជំងឺរាតត្បាតដ៏ស្មុគស្មាញ។
ដូច្នេះពូល B មានតែ៣ក្រុមប៉ុណ្ណោះដែលចូលរួមប្រកួតគឺ U23 ម៉ាឡេស៊ី U23 ឡាវ និង U23 មីយ៉ាន់ម៉ា។ ចំណែកម្ចាស់ផ្ទះកម្ពុជាស្ថិតក្នុងពូល A រួមជាមួយ U23 ប្រ៊ុយណេ U23 ទីម័រខាងកើត និង U23 ហ្វីលីពីន ។ U23 វៀតណាម, U23 ថៃ និង U23 សឹង្ហបុរី ស្ថិតក្នុងពូល C ៕
