ឱកាសរបស់ម៉ាឡេស៊ីនៅក្នុងពានរង្វាន់ U23 Championship 2022 នៅរាជធានីភ្នំពេញកាន់តែភ្លឺស្វាងឡើង បន្ទាប់ពីក្រុមគូប្រជែងឥណ្ឌូណេស៊ីដកខ្លួនចេញដោយសារការឆ្លងមេរោគកូវីដ-១៩។
សហព័ន្ធបាល់ទាត់ឥណ្ឌូណេស៊ី បានចេញសេចក្តីថ្លែងការណ៍មួយកាលពីម្សិលមិញដោយនិយាយថាកីឡាករ ៧រូបក្នុងចំណោមកីឡាករ ២៩រូបរបស់ពួកគេបានធ្វើតេស្តវិជ្ជមានកូវិដ១៩។ ចំណែកបួនរូបផ្សេងទៀតត្រូវបានចាត់ទុកជាករណីសង្ស័យវិជ្ជមានកូវីដ និងកីឡាករ៣រូបទៀតក៏រងរបួសដែរ។
គ្រូបង្វឹកក្រុមឥណ្ឌូនេស៊ី Shin Tae-yong បានសម្តែងការព្រួយបារម្ភរបស់គាត់ចំពោះធនធានកីឡាកររបស់ក្រុម ហើយនេះជាហេតុផលនាំឱ្យឥណ្ឌូនេស៊ីដកខ្លួនចេញ។
ដូចក្នុងពូល B នៅពេលនេះនៅសល់ត្រឹម៣ក្រុមតែប៉ុណ្ណោះដែលចូលរួមប្រកួត រួមមាន ម៉ាឡេស៊ី មីយ៉ាន់ម៉ា និងឡាវ។ ការប្រកួតគ្រោងនឹងធ្វើឡើងនៅថ្ងៃទី ១៤-២៦ ខែកុម្ភៈ។
គ្រូបង្វឹកម៉ាឡេស៊ីលោក Brad Maloney និងក្រុមកីឡាករ ២៨រូបរបស់គាត់បានធ្វើដំណើរមកដល់ប្រទេសកម្ពុជាហើយកាលពីម្សិលមិញបន្ទាប់ពីការប្រកួតមិត្តភាពចុងក្រោយរបស់ពួកគេជាមួយនឹងក្រុមជើងឯក Malaysia Cup KL City នៅ Kelana Jaya កាលពីថ្ងៃព្រហស្បតិ៍។ ក្រុមជម្រើសជាតិអាយុក្រោម២៣ឆ្នាំបានយកឈ្នះ KL City ១-១ នៅកីឡាដ្ឋាន PKNS។
គ្រូបង្វឹកសញ្ជាតិអូស្ត្រាលីរូបនេះបាននិយាយថា៖ «ខ្ញុំគិតថាកីឡាករធ្វើបានល្អ ហើយរីកចំរើនខ្លាំងនៅក្នុងរយៈពេលដ៏ខ្លី។»
«យើងបានលេងនៅ២៨ប្រកួតចុងក្រោយ ជាអ្វីដែលបានឃើញនៅទីនេះ ហើយកីឡាករអវត្តមានតែរូបគត់គឺ Kaka (Nur Azfar Fikri Azhar) ប៉ុន្តែគាត់នឹងចូលរួមជាមួយយើង។»
«នេះគឺជាឱកាសសម្រាប់ក្មេងៗក្នុងការទទួលបានបទពិសោធន៍ក្នុងកម្រិតអន្តរជាតិ ហើយផ្តល់ពេលវេលាដល់អ្នកដែលមិនធ្លាប់លេងច្រើនពីមុនមក។ យើងមានកីឡាករប្រហែល៨ ឬ៩រូបដែលធ្លាប់ចូលរួមការប្រកួតពានរង្វាន់កន្លងមក ដែលមិនមានពេលគ្រប់គ្រាន់ក្នុងការលេង»៕
