Andy Carroll បន្តកិច្ចសន្យាជាមួយ Newcastle ១រដូវកាលទៀត
ខ្សែប្រយុទ្ធអង់គ្លេស Andy Carroll បានចុះហត្ថលេខាបន្តកិច្ចសន្យានៅជាមួយ Newcastle មួយរដូវកាលទៀត រួមជាមួយខ្សែការពារ Javier Manquillo បន្តកិច្ចសន្យា ៤ឆ្នាំទៀត។ កីឡាករវ័យ ៣១ឆ្នាំ Andy Carroll បានវិលមកកាន់ក្លិបចាស់របស់ខ្លួន Newcastle ដោយផ្ទេរពី West Ham។
ចំណែកកីឡាករអេស្ប៉ាញវ័យ ២៦ឆ្នាំ Manquillo បានមកដល់ St. James Park ពី Atletico Madrid នៅឆ្នាំ ២០១៧។ Newcastle ដែលកំពុងមានរឿងចម្រូងចម្រាស់រឿងថៅកែថ្មី បានបន្តកិច្ចសន្យាជាមួយកីឡាកររបស់ខ្លួនជាច្រើននាក់ រួមមានការបន្តកិច្ចសន្យារយៈពេលខ្លី ដើម្បីបន្តប្រកួតអោយចប់រដូវកាល English Premier League ផងដែរ។ Newcastle កំពុងឈរលេខ១៣ មាន ៣៩ពិន្ទុពីលើតំបន់ដែលត្រូវកាត់ចេញ ១២ពិន្ទុ ខណៈនៅសល់ ៧ប្រកួតទៀតចប់រដូវកាល៕
Dortmund នាំយកខ្សែការពារប៊ែលហ្ស៊ិក Thomas Meunier ពី PSG ដោយមិនចំណាយលុយ
ក្លិបអាល្លឺម៉ង់ Borussia Dortmund បានចុះហត្ថលេខានាំយកខ្សែការពារប៊ែលហ្ស៊ិក Thomas Meunier ពីក្លិបជើងឯកបារាំង Paris Saint Germain ដោយមិនចំណាយលុយជាមួយនឹងកិច្ចសន្យារយៈពេល ៤ឆ្នាំ។
កីឡាករវ័យ ២៨ឆ្នាំរូបនេះនឹងចូលរួមជាមួយ Dortmund បន្ទាប់ពីកិច្ចសន្យារបស់គេនឹងអស់សុពលភាពជាមួយ PSG នៅដំណាច់ខែមិថុនានេះ។ Thomas Meunier បានផ្លាស់ពីទៅកាន់ PSG ផ្ទេរពីក្លិបប៊ែលហ្ស៊ិក Club Bruges នៅឆ្នាំ២០១៦ ឈ្នះជើងឯកលីគកំពូលបារាំង ៣លើក និង French Cup ២លើក។ Thomas Meunier នឹងចូលរួមជាមួយ Dortmund ជាមួយនឹងមិត្តរួមជាតិប៊ែលហ្ស៊ិក ២នាក់ទៀតគឺ Thorgan Hazard និង Axel Witsel៕
