ក្របខណ្ឌ Bundesliga បានត្រលប់មកវិញហើយកាលពីសប្ដាហ៍មុននេះ ដែលធ្វើឱ្យអ្នកគាំទ្រវិស័យបាល់ទាត់សប្បាយចិត្តជាខ្លាំង ព្រោះខានបានមើលបាល់ទាត់ជាង២ខែមកហើយ។
ក្នុងការប្រកួតនោះដែរ ត្រូវបានគោរពតាមលក្ខខណ្ឌជាច្រើន ដើម្បីការពារការឆ្លងមេរោគ Covid-19។ ដោយកីឡាករមិនអាចឱបគ្នាពេលអបអរគ្រាប់បាល់ ត្រូវជូតបាល់ជាញឹកញាប់ ហាមខាកស្ដោះនៅលើទីលាន និងកីឡាករបម្រុងត្រូវរក្សាគម្លាតពីគ្នាមិនឱ្យអង្គុយជិតគ្នាឡើយ។ ក្រុមកីឡាករដែលត្រូវប្រកួត ត្រូវតាមដានកម្ដៅនិងហាមមិនឱ្យចេញពីសណ្ឋាគារនោះទេ។
តែអ្វីដែលគេបានចាប់អារម្មណ៍នោះគឺការប្រកួតនៅ Bundesliga សប្ដាហ៍មុននេះ មិនសូវមានការប៉ះទង្គិចគ្នានោះទេ។ ការឈូសបាល់ក៏មិនសូវកើតមានដែរ ខណៈដែលការស៊ុតវិញក៏តិចជាងរាល់ដង ប៉ុន្តែសម្រាប់ការរត់លើទីលានរបស់កីឡាករវិញគឺស្ថិតនៅធម្មតា។ កត្ដានេះ អាចនឹងមកកីឡាករ នៅមានភាពភ័យខ្លាច មិនចង់ទៅក្បែរឬប៉ះជាមួយដៃគូឡើយ ដើម្បីការពារការឆ្លងមេរោគ Covid-19 ៕
