La Liga ប្ដូរពេលវេលាប្រកួតរវាងក្រុម Barca និង Real Madrid ដើម្បីអូសទាញអ្នកគាំទ្រនៅអាស៊ី

0
565

កាសែត Mundo Deportivo បានចុះផ្សាយថាគណកម្មាធិការរៀបចំកម្មវិធី La Liga កំពុងពិចារណាផ្លាស់ប្តូរកាលវិភាគនៃការប្រកួត Super Classic នៅជុំទី ៧ នៃរដូវកាលនេះ។ រំពឹងថាការប្រកួតនឹងធ្វើឡើងនៅម៉ោង ១៣ ឬម៉ោង ១៦ ម៉ោងក្នុងស្រុក។

មូលហេតុដែលអ្នករៀបចំកម្មវិធី La Liga សម្រេចចិត្តផ្លាស់ប្តូរពេលវេលានៃការប្រកួតនេះ គឺដើម្បីអូសទាញឲ្យអ្នកគាំទ្រនៅអាស៊ីទស្សនាឱ្យបានច្រើន។

តាមពិតនេះមិនមែនជារឿងចម្លែកទេ ព្រោះអ្នករៀបចំកម្មវិធី La Liga ក៏បានរៀបចំការប្រកួតមុនម៉ោង ១២:០០ ឬម៉ោង ១៣ ម៉ោងនៅអេស្ប៉ាញដើម្បីឱ្យទស្សនិកជនអាស៊ីអាចទស្សនាបាននៅម៉ោងមាសនេះ ក្នុងរយៈពេលប៉ុន្មានឆ្នាំចុងក្រោយនេះ La Liga បានវាយលុកទីផ្សារដែលមានប្រជាជនច្រើនបំផុតនៅលើពិភពលោកយ៉ាងសកម្មដោយចាប់ផ្តើមពីការផ្លាស់ប្តូរកាលវិភាគ។

កាលពីឆ្នាំមុន La Liga ក៏ត្រូវពន្យាពេលកម្មវិធីប្រកួត Super Classic ដោយសារតែអស្ថេរភាពនយោបាយនៅកាតាឡាន។ ដំបូងការប្រកួតគ្រោងធ្វើឡើងនៅម៉ោង ១៣ និង០០នាទី ថ្ងៃទី ២៦ ខែតុលាឆ្នាំ ២០១៩ តែចុងក្រោយក៏បានសម្រេចយកម៉ោង ២០ និង០០នាទី ថ្ងៃទី ១៨ ខែធ្នូ វិញ។

La Liga បានរៀបចំការប្រកួត Super Classic ជាលើកដំបូងនាពេលរសៀលក្នុងរដូវកាល ២០១៧/១៨ ដែលធ្វើឡើងនៅ Santiago Bernabeu ។