ខ្សែបម្រើប្រយុទ្ធ Takumi Minamino ធ្វើបានរឿងអស្ចារ្យមួយដោយឈ្នះពានលីគជាមួយក្លឹប២ផ្សេងគ្នាក្នុងរដូវកាលនេះ ជាកីឡាករសំណាងម្នាក់។
រដូវកាល២០១៩-២០ Minamino លេងឲ្យក្រុម Red Bull Salzburg បានពាក់កណ្ដាលរដូវកាល ដោយបង្ហាញខ្លួនបាន១៤ប្រកួត ទាត់បញ្ចូលទី៥គ្រាប់។ បន្ទាប់មកនៅខែមករាកីឡាករសញ្ជាតិជប៉ុនរូបនេះបានផ្លាស់មកកាន់អង់គ្លេសជាមួយ Liverpool។
ជារឿងអស្ចារ្យរដូវកាលនេះ Red Bull Salzburg និង Liverpool សុទ្ធតែឈរកំពូលតារាងនិងឈ្នះពានលីគ។ ដូច្នេះ Minamino វ័យ២៥ឆ្នាំដែលបានលេងគ្រប់ចំនួនប្រកួតដែលកំណត់ គឺមានឈ្មោះជួយក្រុមទាំងពីរឲ្យលើកពានលីគដូចគ្នា។
នេះមានន័យថា រដូវកាលនេះ Minamino ឈ្នះពានលីគជាមួយ២ក្រុមផ្សេងគ្នា ហើយក៏ជាការឈ្នះពានលីគ៦ដូវកាលជាប់គ្នាដែរក្នុងអាជីពបាល់ទាត់របស់គេ៕
