កីឡាករតំបន់ប្រយុទ្ធ Mohamed Salah មានរឿងល្អៗជាច្រើននៅក្នុងជំរុំ Anfield ជាមួយ Liverpool ក៏ដូចជាគ្រូបង្វឹក Klopp ។ ក្នុងបទសម្ភាសមួយជាមួយទូរទស្សន៍ BeIn Sport កីឡាករសញ្ជាតិអេស៊ីបរូបនេះ បានពោលពាក្យក្នុងចិត្តថា ខ្លួនចង់នៅបន្តររួមរស់ក្នុងរយៈពេលវែងទៀតជាមួយហង្សក្រហម ។
ទូរទស្សន៍ BeIn Sport បានធ្វើបទសម្ភាសផ្តាច់មុខមួយជាមួយកីឡាករពាក់អាវលេខ១០ Saha ក្នុងបទសម្ភាសនោះក៏មានសំនួរចាក់ដោតមួយដែលស្ថិតក្នុងមន្ទិលសង្ស័យពីសំណាក់អ្នកគាំទ្រ Liverpool ។ Salah បានឆ្លើយដោយមិនរុញរា លើសំនួរដែលបានសួរថា តើខ្លួននឹងចាកចេញពី Liverpool រឺយ៉ាងណ ?
Salah បានថ្លែងថា ៖ “ខ្ញុំរីករាយជាមួយបរិយាកាស់នៅទីនេះ (Liverpool) ខ្ញុំស្រលាញ់ក្លឹបនេះ ហើយសង្ឃឹមថានឹងអាចបន្តរនៅទីនេះយូរទៀត ក្លឹបនេះគឺមិនដូចជាក្លឹបផ្សេងៗទៀតនោះទេ ” ។
Salah ក៏បានលើកឡើងផងដែរទាក់ទិននឹងពាន Premier League ដែល Liverpool ទើបតែលើកបានថ្មីៗនេះ ។ Salah បន្តថា ៖ “ខ្ញុំពិតជារីករាយណាស់ ខ្ញុំមិនអាចបរិយាយពីអារម្មណ៍របស់ខ្ញុំបានទេដែលបានឈ្នះពាន Premier League នេះបន្ទាប់ពីខកខានឈ្នះអស់៣០ឆ្នាំមកហើយសម្រាប់ Liverpool ។ ខ្ញុំមើលឃើញគ្រប់គ្នាពិតជារីករាយ យើងវាពិតជារឿងសំខាន់ណាស់សម្រាប់ពួកយើង ។ ខ្ញុំតែងតែនិយាយថា ខ្ញុំចង់ឈ្នះពាននោះ ទីក្រុងមួយនេះ ខានបានជប់លាងអបអរពានមួយនេះអស់ជាច្រើនឆ្នាំមកហើយ តែពេលនេះយើងធ្វើបានហើយ ” ៕
