Sancho មានស្ថិតិស្មើនឹងទាំង Ronaldo និង Messi បូកបញ្ចូលគ្នា

0
830

ការចូលរួមចំណែកក្នុងការរកគ្រាប់បាល់របស់ខ្សែប្រយុទ្ធវ័យក្មេងរូបនេះ គឺប្រសើរជាង Lionel Messi និង Cristiano Ronaldo ដែលមានអាយុ ២០ ឆ្នាំដូចគ្នា។

យោងតាមសារព័ត៌មាន Marca បានអោយដឹងថា Jadon Sancho បានចូលរួមក្នុងការរកគ្រាប់បាល់ចំនួន ៧៧ ដង បន្ទាប់ពីចំណាយពេល ៣ ឆ្នាំជាមួយក្រុម Dortmund ។ ខ្សែប្រយុទ្ធអង់គ្លេសស៊ុតបញ្ចូលទីបាន ៣៤ គ្រាប់ និងមានជំនួយ ៤៣ លើកក្នុង ៩៤ ប្រកួតគ្រប់ការប្រកួត។

ស្ថិតិរបស់ Sancho នេះល្អជាង Lionel Messi និង Cristiano Ronaldo នៅអាយុ ២០ ឆ្នាំ។ Messi រកបាន ២៦ គ្រាប់ និងទទួលបានជំនួយចំនួន ៨ ដង បន្ទាប់ពីការប្រកួត ៧០ លើកដំបូងរបស់គាត់នៅ Barca ។ ទន្ទឹមនឹងនេះ Ronaldo រកបាន ១៦ គ្រាប់ និងជួយបាន ១៦ ដង ក្នុងការបង្ហាញខ្លួន ១០៧ លើកដំបូងរបស់គាត់អោយ Sporting Lisbon និង Man United ។

សូម្បីតែចំនួនដងដែលពាក់ព័ន្ធនឹងការរកគ្រាប់បាល់របស់ Messi និងរ៉ូណាល់ដូរួមបញ្ចូលគ្នា (៦៦ ដង) នៅតែតិចជាង Sancho ។​

នៅក្នុងរដូវកាល ២០១៩/២០ Sancho ​បានចូលរួមក្នុងក្របខ័ណ្ឌ Bundesliga ចំនួន ៣៣គ្រាប់ ក្នុងនោះមាន ១៧ គ្រាប់ និងជំនួយ ១៦ដង ។ នេះជាស្ថិតិល្អបំផុតរបស់កីឡាករ U21 ដែលត្រូវបានគណនាក្នុងការប្រកួតជើងឯកថ្នាក់ជាតិទាំង ៥ នៅអឺរ៉ុប។

សមិទ្ធិផលរបស់ Sancho នេះគឺល្អជាង Kylian Mbappe ដែលមានចំនួន ២៣ ដង ដែលពាក់ព័ន្ធនឹងការស៊ុតបញ្ចូលទី (ស៊ុតបញ្ចូលទី ១៨ គ្រាប់ និង ជំនួយ ៥ ដង) សម្រាប់ PSG នៅ Ligue ១ ។ ស្ថិតិរបស់ Sancho គឺល្អជាង Mbappe នៅរដូវកាល ២០១៦/១៧ ដែលមាន ២៣ដង និងឆ្នាំ ២០១៧/១៨ មាន ២១ ដង។ ទន្ទឹមនឹងនេះ Mbappe ល្អជាង Sancho ក្នុងរដូវកាល ២០១៨/១៩ ដោយមានការចូលរួម ៤០ ដងក្នុងការរកគ្រាប់បាល់ (៣៣ គ្រាប់ និងជំនួយ ៧ ដង) ។

ចាប់តាំងពីចូលរួមជាមួយ Dortmund នៅរដូវក្តៅឆ្នាំ ២០១៧ ក្នុងតម្លៃ ៨ លានអឺរ៉ូ តម្លៃរបស់ Sancho បានកើនឡើងយ៉ាងខ្លាំងលើសពីរដូវនីមួយៗ។ ខ្សែប្រយុទ្ធអង់គ្លេសវ័យក្មេងរូបនេះកំពុងតែទាក់ទាញការចាប់អារម្មណ៍ពីក្លឹបធំ ៗ ជាច្រើននៅអឺរ៉ុប និងមានតម្លៃ ១១៧ លានអឺរ៉ូកំណត់ដោយ Transfermarkt ៕