នៅសល់តែ១សប្តាហ៍ទៀតប៉ុណ្ណោះ ការប្រកួត AFF U23 Championship 2022 នឹងឈានចូលមកដល់ហើយ ដែលរៀបចំឡើងនៅកម្ពុជា។ បច្ចុប្បន្ននេះ កូនក្រុមរបស់គ្រូបង្វឹក Dinh The Nam នៅតែកំពុងហ្វឹកហាត់ដើម្បីឆ្ពោះទៅរកការប្រកួតប្រកបដោយជោគជ័យ។
ស្ថិតនៅក្នុងក្រុមដែលត្រូវបានចាត់ទុកថាជាក្រុម “មរណៈ” ជាមួយនឹងវត្តមានរបស់ U23 ថៃ និង U23 សិង្ហបុរី ។ ពិនិត្យមើលភាពជាក់ស្ដែង ការឆ្លងកាត់ពូលនេះចូលទៅវគ្គបន្តគឺមិនមានភាពងាយស្រួលនោះទេ សម្រាប់កូនក្រុមរបស់គ្រូបង្វឹក Dinh The Nam ។ គួរជម្រាបថា កីឡាករ U23 វៀតណាម ដែលចូលរួមក្នុងការប្រកួតឆ្នាំនេះ គឺមានអាយុចន្លោះពី ១៨ ទៅ ២១ឆ្នាំប៉ុណ្ណោះ។
ទន្ទឹមនឹងនេះ បើទោះវៀតណាមមិននាំក្រុមខ្លាំងមកកម្ពុជាក៏ដោយ ក៏មិនអាចមើលស្រាលគុណភាពកីឡាករថៃបានដែរ។ ផ្ទុយពីសហព័ន្ធកីឡាបាល់ទាត់វៀតណាម និងសហព័ន្ធកីឡាបាល់ទាត់ថៃ ទំនងជាសហព័ន្ធបាល់ទាត់សិង្ហបុរីនឹងបញ្ជូនក្រុម U23 “ពិតប្រាកដ” ទៅចូលរួមការប្រកួតជើងឯក AFF U23 Championship 2022។
ដូច្នេះ ដើម្បីចង់ចូលរួមវគ្គជម្រុះ គ្រូបង្វឹកលោក Dinh The Nam ត្រូវតែដឹកនាំកូនក្រុមលេងឱ្យអស់ពីសមត្ថភាព ១០០% បើមិនដូច្នេះទេ ហានិភ័យនៃការធ្លាក់ក្នុងពូលខ្ពស់បំផុត បើទោះជាសហព័ន្ធកីឡាបាល់ទាត់វៀតណាម បានបញ្ជាក់ថា U23 វៀតណាម នឹងមកកម្ពុជាលើកនេះ គ្រាន់តែលេងសើច ដើម្បីត្រៀមស៊ីហ្គេមលើកទី៣២ ដែលនឹងប្រព្រឹត្តិទៅនៅឆ្នាំក្រោយ។
ការដែលសហព័ន្ធបាល់ទាត់វៀតណាមមិនកំណត់គោលដៅជាក់លាក់សម្រាប់គ្រូ និងសិស្សរបស់គ្រូបង្វឹក Dinh The Nam គឺនិយាយឱ្យសាមញ្ញថា វៀតណាមគិតថាការប្រកួតជើងឯក AFF U23 Championship 2022 តាមពិតគ្រាន់តែជាការប្រកួតមិត្តភាពប៉ុណ្ណោះ។ គ្មានហេតុផលអ្វីដែលសហព័ន្ធបាល់ទាត់វៀតណាម «ប្រើកីឡាករខ្លាំង មកសម្លាប់គូរប្រកួតឡើយ»។
