កាសែត Tuttosport របស់ប្រទេសអ៊ីតាលី បានចុះផ្សាយនៅថ្ងៃនេះថា ក្លិប Inter Milan ទើបតែបានដាក់សំណើរមកកាន់ក្លិបបីសាចក្រហម ជាមួយនឹងតម្លៃ ១៨លានផោន និងបូកថែមកីឡាករមួយរូបទៀតគឺ Ivan Perisic ដើម្បីបញ្ចប់នូវកិច្ចសន្យាទិញផ្ដាច់យកកីឡាករ Alexis Sanchez។
ក្នុងរដូវកាលនេះ ២០១៩/២០ កីឡាករសញ្ជាតិឈីលីរូបនេះ បានទៅកាន់ក្លិប Inter Milan ក្រោមកិច្ចសន្យឱ្យខ្ជីជើងពីបីសាចក្រហម ក្នុងរយៈពេល១ឆ្នាំ។ ប៉ុន្តែនៅពេលនេះ Inter Milan បានសម្រេចចរចារទិញយកផ្ដាច់ពីបីសាចក្រហមតែម្ដង។ គួរបញ្ចាក់ផងដែរថា បីសាចក្រហមក៏មានបំណងចង់លក់ចេញកីឡាកររូបនេះ នៅរដូវក្ដៅនេះផងដែរ។ តាមការសង្កេត ឃើញថាកិច្ចចរចារនេះ ប្រហែលជាទទួលបានជោគជ័យ សម្រាប់ក្លិបបាល់ទាត់អ៊ីតាលី Inter Milan៕
