Thiago Silva លេងបានល្អ ប៉ុន្តែ Lampard នៅតែមិនសូវសប្បាយចិត្ត

0
625

ខ្សែការពារ Thiago Silva បានបង្ហាញពីទម្រង់លេងដ៏គួរឱ្យកត់សម្គាល់នៅក្នុងការបង្ហាញខ្លួនលើកដំបូងនៅក្រុមតោខៀវ Chelsea ។ ទោះជាយ៉ាងណាក៏ដោយគាត់តែម្នាក់ឯងមិនអាចជួយការពារតំបន់ការពាររបស់ Chelsea ឱ្យខ្លាំងជាងនេះភ្លាមៗបានទេ។

រយៈពេល ១ខែបន្ទាប់ពីការប្រកួតវគ្គផ្តាច់ព្រ័ត្រ Champions League រវាង PSG និង Bayern Munich, Silva ទើបបានត្រលប់មកលេងវិញ។ ឥឡូវនេះខ្សែការពារវ័យ ៣៦ ឆ្នាំរូបនេះគឺជាបុរសរបស់ក្រុមតោខៀវ Chelsea ហើយគូប្រជែងរបស់គាត់គឺទើបតែជាកីឡាករ Barnsley នៅជុំទី ៣ នៃពានរង្វាន់ League Cup ។

នេះប្រហែលមិនមែនជាអ្វីដែលកីឡាករធ្លាប់បានចូលរួមប្រកួតចំនួន ៨៩ ប្រកួតអោយក្រុមជម្រើសជាតិប្រេស៊ីលចង់បាននោះទេ នៅពេលដែលគាត់ព្រមផ្លាស់ទៅ Stamford Bridge ។ ប៉ុន្តែជាមួយនឹងភាពវក់វីនៃបាល់ទាត់អង់គ្លេសវាគឺជាការហ្វឹកហាត់ដ៏ល្អឥតខ្ចោះមួយសម្រាប់ Silva មុនពេលគាត់ចូលលេងក្នុងលីគកំពូលអង់គ្លេស។

Barnsley អាចត្រូវបានគេប៉ាន់ស្មានមិនដល់ហើយពិន្ទុចុងក្រោយបានបង្ហាញពីគម្លាតរវាងក្រុមទាំងពីរ។ ប៉ុន្តែក្រុមបាល់នៅលីគលេខ ២ បានលេងយ៉ាងក្លាហាន ប៉ុន្មាននាទីដំបូងបានធ្វើឱ្យខ្សែការពារក្រុមតោខៀវ Chelsea ច្របូកច្របល់ខ្លាំងមែនទែន។