អតីតកីឡាករ Dimitar Berbatov បាននិយាយថា Jadon Sancho មិនគួរប្រញាប់ប្រញាល់ចូលរួមជាមួយ United ទេ ប៉ុន្តែគួរបន្តនៅជាមួយ Dortmund មួយឆ្នាំទៀត។
កាសែត Daily Mail បានដកស្រង់សំដី Dimitar Berbatov បាននិយាយថា “Sancho មិនគួរឱ្យជឿទេ។ គាត់បានរកគ្រាប់បាល់បាន ១៤ គ្រាប់ និងជួយបាន ១៦ ដង នៅក្នុងក្របខ័ណ្ឌ Bundesliga” ។ “ការណ៍នេះ បាននិយាយឡើងជាច្រើនអំពីរបៀបដែលគាត់កំពុងអភិវឌ្ឍ អំពីល្បឿន ការស្វែងរកគ្រាប់បាល់ សមត្ថភាពរបស់គាត់ និងចក្ខុវិស័យយុទ្ធសាស្ត្រ” ។
អតីតកីឡាករប៊ុលហ្គារីរូបនេះ បានបន្ថែមទៀតថា៖ “ខ្ញុំមិនដឹងថា តើនេះជាពេលវេលាដ៏ត្រឹមត្រូវសម្រាប់គាត់ក្នុងការមកលេងនៅ Man United ទេ។ កាលពីមុនខ្ញុំក៏បានចាប់អារម្មណ៍អំពីបញ្ហានេះដែរ។ ខ្ញុំមានការសង្ស័យ ដោយសារ MU កំពុងតែមាន Anthony Martial, Marcus Rashford និង Daniel James “។
Sancho គឺជាគោលដៅផ្ទេរឈានមុខគេរបស់ MU នៅរដូវក្តៅឆ្នាំ ២០២០។ យោងតាម Daily Mail បានឱ្យដឹងថា MU ប្រហែលជាត្រូវចំណាយ ១០០ លានផោនដើម្បីជ្រើសរើសខ្សែប្រយុទ្ធអង់គ្លេសរូបនេះ ។ ចំនួននេះនឹងជួយឱ្យ Sancho វ៉ាឆ្លង Paul Pogba (៨៩ លានផោន) ធ្វើឲ្យក្លាយជាកិច្ចសន្យាថ្លៃបំផុតក្នុងប្រវត្តិសាស្ត្រ MU ។
Berbatov បានសារភាពថា “វាល្អដែលគាត់លេងឱ្យ MU” ។ ទោះជាយ៉ាងណាខ្ញុំយល់ថាគាត់នឹងចង់លេងរាល់ការប្រកួតប្រសិនបើគាត់ផ្លាស់ទៅក្រុមថ្មី។ ប៉ុន្តែការណ៍ដែលឲ្យកីឡាករលេងជុំ គឺជារឿងធម្មតានៅក្នុងពិភពបាល់ទាត់នាពេលបច្ចុប្បន្ននេះ។
Berbatov បាននិយាយបន្តថា “ខ្ញុំគិតថា Sancho នឹងជ្រើសរើសក្រុមដែលគាត់បានសិទ្ធិចូលប្រកួតច្រើន ។ គាត់នឹងមិនទៅណាទេ ហើយមិនធ្វើអ្វីទាំងអស់ព្រោះវានឹងបញ្ឈប់ការអភិវឌ្ឍរបស់គាត់។ ដូច្នេះហើយទើបខ្ញុំគិតថា គាត់នឹងប្រសើរជាងក្នុងការបន្តនៅ Dortmund មួយឆ្នាំទៀត។ ហេតុអ្វីមិនអញ្ចឹង? ”
Sancho ត្រូវបានគេចាត់ទុកថាជាទេពកោសល្យភ្លឺស្វាងនៃបាល់ទាត់អង់គ្លេសនាពេលបច្ចុប្បន្ន។ កាលពីរដូវកាលមុនគាត់រកបាន ១៣ គ្រាប់ និងជួយបាន ១៩ ដង ក្នុងការបង្ហាញខ្លួន ៤៣ លើករាល់ការប្រកួតសម្រាប់ Dortmund ។ នៅក្នុងរដូវកាល ២០១៩/២០២០ នេះ Sancho បន្តបង្ហាញទម្រង់លេងដ៏អស្ចារ្យរបស់គាត់ដោយរកបាន ១៧ គ្រាប់ និងជួយបាន ១៩ ដង ក្នុង ៣៥ ប្រកួតទាំងអស់៕
